Volkswagen-ը ներկայացրեց նոր սերնդի Polo-ն

Ժնեւում կայացած մամլո ասուլիսում Volkswagen կոնցերնը ցուցադրեց 2010 թվականի մոդելային շարքի նորացված Polo-ն: B դասի սիրված հեթչբեքը 7,5%-ով թեթեւ է իր նախորդողից եւ ստացել է յոթ բենզինային եւ դիզելային շարժիչներից բաղկացած լայն շարք, ներառյալ բոլորովին նոր երեք TDI-ները: Շարժիչների հզորությունը տատանվում է 59-ից մինչեւ 103 ձիաուժ: Առաջարկվում է նաեւ էկոլոգիական BlueMotion տարբերակը` 100 կմ-ին 3,8լ վառելիքի ծախսով: Մատչելի փոխանցման տուփերի շարքում հայտնվել է 7-աստիճան DSG:

Polo-ի օպցիաների ցուցակը բավականին հարուստ է. բազային կոմպլեկտավորման մեջ մտնում են ESP եւ սար բարձրանալիս օգնության համակարգը, կարելի է պատվիրել նաեւ բիքսենոնային լուսարձակներ, լրացուցիչ անվտանգության բարձիկներ եւ այլն:

Volkswagen-ի եվրոպական դիլերները Polo 2010-ի 3- եւ 5-դռնանի տարբերակների պատվերներ կսկսեն ընդունել արդեն այս շաբաթ, իսկ փաստացի վաճառքները կսկսվեն ապրիլին: Հեթչբեքը խոստանում են ԱՄՆ բերել հունիսին:

Facebook Odnoklassniki

1875 դիտում