Ժնեւում կայացավ Mercedes-Benz E-Class կուպեի պրեմիերան

Ժնեւի ավտոսրահում կայացավ Mercedes-Benz E-Class-ի նոր ներկայացուցչի` 2010 թվականի մոդելային շարքի կուպեի համաշխարհային պրեմիերան: Նորույթը կառուցված է նույն շասսիի վրա, ինչ E-Class սեդանը, եւ կփոխարինի CLK մոդելը: Կուպեն մաքսիմալ դինամիկ եւ ագրեսիվ տեսք ունի` միջին սյունի բացակայության, լայն անիվների եւ մեծ տափակ կապոտի շնորհիվ. այն շատ տարրերով նմանեցնում է “ավագ” CL-Class-ին: Ավտոմեքենան համալրվում է 5 շարժիչներով` ըստ ընտրության. երեք բենզինային շարժիչներով` 204-ից 388 ձիաուժ հզորությամբ, եւ երկու դիզելային շարժիչներով: Ավելի ուշ կհայտնվի նաեւ հզորացված տարբերակ` AMG-ից:

Mercedes-Benz E-Class 2010-ն ունի տեխնոլոգիական նորամուծությունների հարուստ հավաքածու. սկսած ննջած վարորդի համար “զարթուցիչից” մինչեւ նշանների ճանաչման համակարգը, հարմարացվող լուսարձակները եւ բախումներին արձագանքող կապոտը, որը վնասվածքներից պաշտպանում է հետիոտներին: Կուպեի վաճառքները Եվրոպայում կսկսվեն 2009 թվականի մայիսին: Բազային տարբերակի գինը Գերմանիայում կազմում է 44 684 եվրո:

Facebook Odnoklassniki

2912 դիտում