Lagonda նոր կոնցեպտ-ավտոմեքենան կհայտնվի մայիսին

Ընթացիկ տարվա մայիսին Aston Martin ընկերությունը նախատեսում է ներկայացնել Lagonda վերածնված մակնիշի նոր կոնցեպտուալ ավտոմեքենան: Այս մասին Le Blog Auto ցանցային պարբերականին հայտնել է Դեվիդ Ռիչարդսը` Prodrive ընկերության ղեկավարը, որը հանդիսանում է Aston Martin ընկերության սեփականատերերից մեկը:

Ռիչարդսը որեւէ մանրամասներ չի հայտնել նախատիպի վերաբերյալ, սակայն նշել է, որ նախորդ կոնցեպտ-ավտոմեքենան, որը ներկայացվել էր մարտի սկզբին Ժնեւում. Մշակվել էր բացառապես հասարակության ուշադրությանը գրավելու համար, իսկ արտաքին տեսքը չի համապատասխանում նրան, թե ինչպիսին կլինեն մակնիշի սերիական ավտոմեքենաները: Ինչպես հայտնել է Դեվիդ Ռիչարդսը, երկկորդ կոնցեպտը “բոլորովին այլ կլինի”:

Հիշեցնենք, որ Lagonda-ի առաջին կոնցեպտը` լիաքարշակ ամենագնացը, կառուցվել էր Mercedes-Benz GL պլատֆորմի վրա եւ ստացել է Aston Martin ընկերության 12-մխոցանի բենզինային շարժիչը: Ինչպես հաղորդվում էր նախկինում, Lagonda ավտոմեքենաների առաջին օրինակները վաճառքում կհայտնվեն 3 տարի հետո:

Facebook Odnoklassniki

1429 դիտում