Ամենափոքր Rolls-Royce-ը 2011 թվականին կդառնա կաբրիոլետ եւ կուպե

2011 թվականին նոր Rolls-Royce 200EX սեդանի հիման վրա կկառուցեն կուպե եւ կաբրիոլետ: Այս մասին հաղորդում է հոլանդական AutoTelegraaf պարբերականը` վկայակոչելով սեփական աղբյուրները: Այդ ավտոմեքենաները կստեղծվեն 200EX կոնցեպտ ավտոմեքենայի մոտիվներով, որն առաջին անգամ ներկայացվել էր մարտին` Ժնեւի մոտորշոուին:

Հիշեցնենք, որ առաջինը ողջ շարքից, արդեն հաջորդ տարի, կհայտնվի “սեդան” թափքով ավտոմեքենան, ընդ որում սերիական մոդելի անվանումը դեռեւս հայտնի չէ: Ինչպես ենթադրում են որոշ արտասահմանյան պարբերականներ, նորույթը կստանա Silver Ghost անվանումը, որը Rolls-Royce ավտոմեքենաների համար առաջին անգամ օգտագործվել էր ավելի քան կես դար առաջ:

Rolls-Royce 200EX սեդանի սերիական արբերակը կդառնա բրիտանական մակնիշի ամենափոքր մոդելը: Այն 435մմ-ով կարճ, 42մմ-ով նեղ եւ 84մմ-ով ծացր կլինի ֆլագմանային Phantom ավտոմեքենայից: Նորույթը նախատեսվում է կառուցել BMW 7-Series Long-ի երկարացված պլատֆորմի վրա եւ սարքավորել այն 12-մխոցանի բենզինային շարժիչով, որը կաշխատի ZF ընկերության 6-աստիճան ավտոմատ փոխանցման տուփով:

Ինչպես հաղորդվում էր նախկինում, 200EX կոնցեպտուալ ավտոմեքենայի ապրանքային մոդիֆիկացիան կներկայացվի Ֆրանկֆուրտի մոտորշոուին սեպետմբերին:

Facebook Odnoklassniki

1509 դիտում