Հոլանդիայում կներկայացնեն Porsche 911 հատուկ տարբերակը

Առաջին երկիրը, ուր Porsche ընկերությունը սկսեց մատակարարել իր ավտոմեքենաները, Հոլանդիան էր: Այս տարի լրանում է 60 տարին այն բանից հետո, երբ հոլանդական Pon Porsche Import-ը Հոլանդիա առաքեց մակնիշի առաջին ավտոմեքենան: Այս կապակցությամբ գերմանական ավտոարտադրողը թողարկել է իր ամենաճանաչված մոդելի` Porsche 911-ի հատուկ տարբերակը: Ավտոմեքենան կթողարկվի շատ սահմանափակ թվաքանակով. ընդամենը վաճառքի կհանվի 15 օրինակ Pon Edition 911 4S: Հատուկ տարբերակը ներկված է սեւ գույնով, իսկ ավտոմեքենայի սրահը սեւ կաշեպատ է:

Մոդելի յուրաքանչյուր օրինակ ունի իր սեփական համարը, որը կարելի է տեսնել սարքերի պանելի վրա եւ մեքենաների դռների վրա` հին տարբերակի Porsche պիտակով: Առաջին անգամ հատուկ տարբերակը կներկայացվի AutoRAI 2009 ավտոսրահում Հոլանդիայում, որն անցկացվում է ապրիլի 1-11-ը: Սուպերավտոմեքենայի արժեքը կազմում է 172 911 եվրո կուպեի եւ 188 261 եվրո կաբրիոլետի համար:

Facebook Odnoklassniki

1619 դիտում