Արաբները ձեռք են բերել Daimler կոնցերնի մի մասը

Երկուշաբթի օրը Աբու Դաբիի (ՄԱԷ) կառավարության կողմից վերահսկվող Aabar Investments ներդրումային հիմնադրամը ձեռք է բերել գերմանական Daimler ավտոարտադրողի 96,4 միլիոն բաժնետոմս (9,1 տոկոս): Ինչպես հաղորդում է The Telegraph թերթը, գործարքի գինը կազմել է 1,95 մլրդ եվրո, կամ 20,27 եվրո յուրաքանչյուր բաժնետոմսի համար:

Նշենք, որ համաշխարհային ֆինանսական ճգնաժամի պատճառով Daimler կոնցերնը նախորդ տարվա չորրորդ եռամսյակում կրել էր 1,53 մլրդ եվրո վնաս: Այնուամենայնիվ, Aabar Investments ընկերությունում գտնում են, որ ավտոարտադրողի ֆինանսական վիճակը կայուն է եւ գործընկերությունը շահավետ կլինի երկու կողմերի համար: Հատկապես դա վերաբերվում է Daimler-ին, որը ճգնաժամի ընթացքում բաժնետոմսերի վաճառքի շնորհիվ կարողացավ լրացուցիչ միջոցներ ստանալ:

Բացի այդ, նշում է Bloomberg-ը, Daimler-ը եւ Aabar-ը մտադիր են կազմակերպել էլեկտրոավտոմեքենաների եւ նոր նյութերի համատեղ մշակում, որոնք կօգտագործվեն ավտոմեքենաների արտադրության ժամանակ, ինչպես նաեւ թրեյնինք-կենտրոն բացել Աբու Դաբիում:

Daimler կոնցերնն ունի եւս մեկ արաբ բաժնետեր, որը 1974 թվականից մինչ այժմ համավարվում էր խոշորագույնը` քուվեյթյան Kuwait Investment Authority ներդրումային հիմնադրամը: Տվյալ պային այդ ընկերությանն են պատկանում գերմանական ավտոարտադրողի բաժնետոմսերի 6,9 տոկոսը:

Facebook Odnoklassniki

1933 դիտում