Like
OK
Կայացավ Renault Arkana մոդելի պաշտոնական շնորհանդեսը
Դիլերներ
Audi ընկերությունը մշակել է նոր սերնդի A2 մոդելի կոնցեպտուալ տարբերակը, որի դիզայնն արդեն ներկայացվել էր ղեկավարությանը մակնիշի գլխավոր գրասենյակում Ինգոլշդատում: Այս մասին հայտնում է բրիտանական Autocar պարբերականը` վկայակոչելով Audi-ի վարչության տեխնիկական զարգացման հարցերով անդամ Մայքլ Դիքի հայտարարությունը: "Նորույթի արտաքինից կարելի է հեշտությամբ ճանաչել նախորդ A2, սակայն միեւնույն ժամանակ, հաջորդ սերունդը բոլորովին այլ կլինի", - ավելացրել է Դիքը: Հիշեցնենք, որ նախորդ A2-ի արտադրությունը դադարեցվել էր 2005 թվականին:
Մայքլ Դիքի խոսքերով, Audi A2-ի հետեւորդին նախատեսվում է կառուցել բոլորովին այլ պլատֆորմի վրա, որը, համաձայն նախկինում տրամադրված տեղեկատվության, հետագայում օգտագործվելու է նաեւ 2011 թվականի մոդելային շարքի A3 հեթչբեքի համար: Նաեւ ակնկալվում է, որ նորույթը, ինչպես իր նախորդողը, կունենա ալյումինե թափք եւ իր չափերով փոքր-ինչ մեծ կլինի փոքրալիտրաժ VW Up!-ից եւ ապագա Audi A1 հեթչբեքից:
Թե շարժիչների ինչպիսի շարք կստանա նոր սերնդի Audi A2-ը տվյալ պահին հայտնի չէ: Մայքլ Դիքը միայն ճշտել է, որ այդ ավտոմեքենան պարտադիր էլեկտրական տարբերակ կունենա, որը վաճառքում կհայտնվի ներքին այրման շարժիչներով ավտոմեքենաների հետ միասին: Այդ կապակցությամբ, սերիական տարբերակի արտաքինի եւ տեխնիկական հագեցվածության մշակման համար շատ ավելի ժամանակ կպահանջվի, քան սովորական կոմպակտ հեթչբեքի համար:
Նոր A2 կոնցեպտուալ եւ սերիական տարբերակների պրեմիերայի ժամկետները չեն հաղորդվում:
Ծանուցումներ
Ծանուցումներ ստանալու համար անհրաժեշտ է մուտք գործել Ձեր հաշիվ։
