Ինտերնետում գաղտնազերծել են նոր սերնդի Opel Astra հեթչբեքը

Ուրբաթ օրը Autoblog.nl ցանցային պարբերականի տրամադրության տակ հայտնվեցին նոր սերնդի Opel Astra հինգդռնանի հեթչբեքի առաջին պաշտոնական լուսանկարները, որի համաշխարհային պրեմիերան, ինչպես ակնկալվում է, կկայանա սեպտեմբերին Ֆրանկֆուրտի ավտոմոբիլային ցուցահանդեսի շրջանակներում: Դատելով լուսանկարներից, ավտոմեքենան ստացել է բոլորովին նոր թափք, ինչպես նաեւ Insignia մոդելի ոճով մշակված արտաքին:

Ինչպես հաղորդվում էր նախկինում, նորույթը կկառուցվի առջեւի քարշակային Delta II պլատֆորմի վրա, որն արդեն օգտագործվում է Chevrolet Cruze սեդանի եւ Chevrolet Volt եւ Opel Ampera հիբրիդների համար: Autoblog.nl տեղեկատվության համաձայն, շարժիչների շարքը նոր սերնդի Astra-ի ընտանիքի համար չի փոխվի. ավտոմեքենայի համար նախկինի պես առաջարկվելու են 75-ից 240 ձիաուժ հզորությամբ բենզինային շարժիչներ, ինչպես նաեւ մինչեւ 150 ձիաուժ հզորություն զարգացնող “դիզելներ”: Հարկ է նշել, որ այլ տվյալներով ավտոմեքենան կստանա 1,4-լիտրանոց նոր սերնդի տուրբոշարժիչներ` 120-ից 140 ձիաուժ հզորությամբ, որոնք կփոխարինեն ներկայիս ագրեգատները:

Ակնկալվում է, որ նոր սերնդի Opel Astra-ի արտադրությունը կսկվի ընթացիկ տարվա վերջին:

Facebook Odnoklassniki

2622 դիտում