Սեուլում կմեկնարկի KIA VG սեդանը

Այս շաբաթ Սեուլում բացվող ավտոսրահում կկայանա Kia Motors-ի լյուքս դասի սեդանի համաշխարհային պրեմիերան: VG կոդային անվանմամբ ավտոմեքենայի առաջին լուսանկարն արդեն հայտնվել է ինտերնետում: Հաղորդվում է, որ ցուցահանդեսում կմեկնարկի ավտոմեքենայի կոնցեպտուալ ատրբերակը, սակայն նկարից կարելի է դատել, որ մոդելն արդեն պատրաստ է սերիական արտադրության:

Առջեւիքարշակային սեդանը կառուցվելու է Hyundai Azera-ի պլատֆորմի վրա: Hyundai-ից KIA VG-ն կստանա նաեւ շարժիչներ, այդ թվում 2,4-լիտրանոց Theta-ն եւ 3,5-լիտրանոց V6 Lambda:

Թե ինչպիսի անվանում կստանա սերիական սեդանը, հայտնի կդառնա ապրիլի 2-ին, երբ Սեուլի ավտոսրահը սկսի իր աշխատանքը: Նորույթի վաճառքները Հարավային Կորեայում կսկսվեն սեպտեմբերին, նախատեսվում են նաեւ KIA VG-ի առաքումներն արտասահման:

Facebook Odnoklassniki

1739 դիտում