Like
OK
Կայացավ Renault Arkana մոդելի պաշտոնական շնորհանդեսը
Դիլերներ
Երեքշաբթի օրը Subaru ընկերությունը ներկայացրեց հաջորդ սերնդի Legacy սեդանը, որը լայն հասարակությանը կներկայացվի ապրիլի սկզբին Նյու Յորքի մոտորշոուին: Ինչպես հաղորդվում է պաշտոնական հաղորդագրությունում, նոր պլատֆորմի վրա կառուցված ավտոմեքենան շատ ավելի մեծ է ստացվել, քան իր նախորդողը. անիվային բազան ավելացել է 81 մմ-ով, գաբարիտային երկարությունը` 35 միլիմետրով, իսկ լայնությունը եւ բարձրությունը` 90 եւ 80 միլիմետրով համապատասխանաբար:
Նորույթը կպահպանի “սիմետրիկ լիաքարշակ” ֆիրմային համակարգը եւ ԱՄՆ շուկայում (դեռեւս մատչելի են միայն Legacy-ի ամերիկյան տարբերակի պաշտոնական տվյալները) ավտոմեքենան առաջարկվելու է երեք բենզինային շարժիչներով. 2,5 լիտր ծավալով, որոնք ունեն մթնոլորտային եւ տուրբոյացված տարբերակներ եւ զարգացնում են համապատասխանաբար 170 եւ 265 ձիաուժ հզորությամբ, եւ 3,6 լիտրանոց 256 ձիաուժով “վեցնյակով”: Բազային շարժիչը կարող է աշխատել նոր Lineartronic վարիատորով` 6 “վիրտուալ” փոխանցումներով, իսկ top-շարժիչը` 5-աստիճան ավտոմատով: Նույնպես մատչելի կլինեն 6-աստիճան մեխանիկական փոխանցման տուփով տարբերակները:
Բրիտանական Car ամսագրի տվյալներով, Subaru Legacy-ի եվրոպական մոդիֆիկացիայի համար շարժիչների շարքն իր նախորդողի համեմատությամբ գործնականում չի փոփոխվի. այն նախկինի պես կհամալրվի երկլիտրանի բենզինային եւ դիզելային ագրեգատներով: Եվրոպայում նոր սերնդի ավտոմեքենան կհայտնվի ընթացիկ տարվա սեպտեմբերին:
Ծանուցումներ
Ծանուցումներ ստանալու համար անհրաժեշտ է մուտք գործել Ձեր հաշիվ։
