Like
OK
Կայացավ Renault Arkana մոդելի պաշտոնական շնորհանդեսը
Դիլերներ
Հինգշաբթի օրը Նյու Յորքի մոտորոշուին Honda ընկերության լյուքսային բրենդը հանդիսացող Acura ընկերությունը ներկայացրել է կոնցեպտուալ ZDX քրոսովերը: Ավտոմեքենայի թափքի ետեւի մասի ձեւավորումը գործնականում կրկնօրինակում է BMW X6-ի դիզայնը, իսկ ետեւի դռների “քողարկված” բռնակները նմանեցնում են մեքենան կուպեի:
MDX ամենագնացի պլատֆորմի վրա կառուցված նորույթի գաբարիտային երկարությունը կազմում է 4,89 մետր, լայնությունը` 1,99 մետր, իսկ անիվային բազան` 2,75 մետր: Նշենք, որ Acura ZDX-ի եւ BMW X6-ի երկարությունները նույնպես նման են: Գերմանական քրոսովերի երկարությունը հավասար է 4,88 մետրի, լայնությունը` 1,98 մետրի, իսկ անիվային բազան` 2,93 մետրի:
Ինչպես ասվում է պաշտոնական հաղորդագրությունում, քրոսովերն ունի ֆիրմային լիաքարշակ համակարգ SH-AWD եւ լիովին ալյումինե 6-մխոցանի բենզինային շարժիչ, որն աշխատում է 6-աստիճան ավտոմատ փոխանցման տուփի հետ միասին: Acura ZDX-ի դինամիկ բնութագրերը եւ շարժիչի հզորությունը դեռեւս չեն հաղորդվում, սակայն որոշ արտասահմանյան պարբերականներ ենթադրում են, որ քրոսովերի շարժիչը զարգացնելու է 300 ձիաուժից ավելի հզորություն:
Ամերիկյան շուկայում Acura ZDX քրոսովերի սերիական տարբերակը վաճառքում կհայտնվի ընթացիկ տարվա աշնանը:
Ծանուցումներ
Ծանուցումներ ստանալու համար անհրաժեշտ է մուտք գործել Ձեր հաշիվ։
