BMW 7-րդ սերիայի ընտանիքը համալրում է ստացել

Գերմանական BMW ավտոմոբիլային կոնցերնը ներկայացրել է 7-րդ սերիայի թոփային կոմպլեկտացիաները. 760i եւ 760Li` 14 սանտիմետրով “ձգված” անիվային բազայով: Ավտոմեքենաները ստացել են բիտուրբոյացված 6-լիտրանի 12-մխոցանի շարժիչ` 544 ձիաուժ հզորությամբ, 750 Նմ պտտեցնող պահով: Բացի այդ, BMW 760i եւ 760Li ստացել են թարմ մշակված 8-աստիճան փոխանցման տուփ: 0-ից մինչեւ 100 կմ/ժ արագություն ավտոմեքենան զարգացնում է 4,6 վայրկյանում, իսկ առավելագույն արագությունը կազմում է 250 կմ/ժ: Վառելիքի ծախսը խառը ցիկլում հավասար է 12,9 լիտրի 100 կմ համար:

BMW 760i եւ 760Li ունեն 19-դյույմանի անիվային դիսկեր եւ կրկնակի արտանետային խողովակ: Սրահը կաշեպատ է եւ փայտից: Այստեղ տեղադրված են GPS-նավիգատոր, 4-գոտանի կլիմատ-կոնտրոլ, կռուիզ-կոնտրոլ` ավտոմատ արգելակման համակարգով, ակտիվ ղեկային կառավարման համակարգ: Որպես օպցիա առաջարկվում է գիշերային տեսանելիության համակարգ` հետիոտների ճանաչման գործառույթով, սարքերի ցուցմունքների ինդիկատոր դիմային ապակու վրա, ետեւի տեսքի տեսախցիկ եւ նույնիսկ համակարգ, որը հուշում է, թե ե՞րբ պետք է միացնել հեռահար լույսը:

Facebook Odnoklassniki

2056 դիտում