Like
OK
Կայացավ Renault Arkana մոդելի պաշտոնական շնորհանդեսը
Դիլերներ
“Տարվա համաշխարհային ավտոմեքենա-2009” միջազգային մրցույթի հաղթող է ճանաչվել Volkswagen Golf VI հեթչբեքը: 25 երկրներ ներկայացնող 59 լրագրողների քվեարկության արդյունքներով այդ ավտոմեքենան կարողացավ շրջանցել Ford Fiesta-ին եւ Toyota iQ-ին, որոնց հետ “Գոլֆը” հայտնվել էր եզրափակչում: Եւս 48 հավակնորդներ դուրս էին մնացել միջանկյալ փուլերում:
Լավագույն սպորտային ավտոմեքենայի մրցանակը բաժին հասավ Nissan GT-R սուպերավտոմեքենային, որն այդ դասում անցավ Chevrolet Corvette ZR1-ին եւ Porsche 911 Carrera-ին: “2009 թվականի լավագույն ավտոմոբիլային դիզայն” անվանակարգում հաղթեց միկրոլիտրաժ Fiat 500, որը շրջանցեց Jaguar XF-ին, Toyota iQ-ին եւ Citroen C5-ին: Նշենք, որ մինչ այդ Fiat 500 ճանաչվել էր “Տարվա եվրոպական ավտոմեքենա”:
“Կանաչ” ավտոմեքենա անվանակարգում լավագույնը ճանաչվեց աշխարհում առաջին սերիական ջրածնային ավտոմեքենան` Honda - FCX Clarity-ն: Այդ կոչմանը հավակնում էին նաեւ Mitsubishi iMieV եւ Toyota iQ:
2008 թվականին “Տարվա համաշխարհային ավտոմեքենա” էր ճանաչվել Mazda2, իսկ Audi R8 սուպերավտոմեքենան առաջին տեղն էր զբաղեցրել երկու անվանակարգերում. դիզայնի համար եւ որպես լավագույն սպորտային ավտոմեքենա: Լավագույն “կանաչ” ավտոմեքենա նախորդ տարի ճանաչվել էր BMW 118d` Efficient Dynamics շարքից:
Ծանուցումներ
Ծանուցումներ ստանալու համար անհրաժեշտ է մուտք գործել Ձեր հաշիվ։
