Mercedes-Benz-ը գաղտնազերծել է նորացված S-Class AMG-տարբերակները

Շանհայում կայանալիք մոտորշոուի ժամանակ պաշտոնական պրեմիերայից մեկ շաբաթ առաջ Mercedes-Benz S-Class AMG-տարբերակների` Mercedes S63 AMG եւ S65 AMG առաջին լուսանկարները հայտնվեցին մակնիշի պաշտոնական գերմանական կայքում:

Mercedes-Benz S63 AMG սեդանն ունենալու է 6,2-լիտրանոց 8-մխոցանի բենզինային շարժիչ` 518 ձիաուժ հզորությամբ, որն աշխատելու է 7-աստիճան ավտոմատ փոխանցման տուփի հետ միասին: Ինչպես հաղորդվում է մակնիշի կայքում, զրոյից մինչեւ 100 կմ արագություն ավտոմեքենան զարգացնում է 4,6 վայրկյանում: Սեդանի առավելագույն արագությունը սահմանափակված է 250 կմ/ժ նիշի վրա, սակայն լրացուցիչ գումարով այն կարելի է տեղաշարժել մինչեւ 300 կմ/ժ: Նշենք, որ S-Class-ի հիմնական մրցակիցներից մեկը` 7 սերիայի BMW 536 հզորությամբ V12 շարժիչով, ունի նույնպիսի դինամիկ բնութագրեր:

Ամենահզոր Mercedes-Benz S-Class` S65 AMG-ն, կստանա 6-լիտրանոց 12 մխոցանի շարժիչ, որը կզարգացնի 604 ձիաուժ հզորություն: Մեքենան կունենա 5-աստիճան ավտոմատ փոխանցման տուփ:

Գերմանիայում Mercedes-Benz S63 AMG-ի գները սկսվելու են 137 հազար 683 եվրոյից: Ավելի հզոր ավտոմեքենայի արժեքը դեռեւս հայտնի չէ:

Facebook Odnoklassniki

2597 դիտում