Like
OK
Կայացավ Renault Arkana մոդելի պաշտոնական շնորհանդեսը
Դիլերներ
Ինչպես Auto.am-ին հայտնեցին Հայաստանում Peugeot-ի պաշտոնական ներկայացուցիչ “Կարկոմավտո” ընկերությունում, Peugeot-ի երկար սպասված նոր SUV (Sport Utility Vehicle) դասի 4007 մոդելը կարելի է արդեն ձեռքբերել Ռուբինյանց 30/1 հասցեով գտնվող ավտոսրահում: Մինչ ավտոմեքենայի առանձնահատկությունները նշելը, ասենք, որ 4007-ի բազային կոմպլեկտացիայի գինը կազմում է 12 850 000 դրամ, իսկ ամենաթանկարժեք կոմպլեկտացիան` 15 400 000 դրամ.
Առաջինը, ինչն աչքի է ընկնում 4007-ի դիզայնում, քրոսովերներին հատուկ բավականին մեծ անիվային կամարներն են` 18-դույմանի սկավառակներով եւ 225/55 չափի ավադողերով.
Peugeot 4007-ում տեղադրված է 2,4 լիտրանոց 173 ձիաուժ հզորությամբ շարժիչ, որն աշխատում է 6-աստիճան Tiptronic փոխանցման տուփի հետ միասին:
Դիզայնն ընդհանուր առմամբ շատ էլեգանտ տեսք ունի եւ հաճելի տպավորություն է թողնում: Չնայած, որ 4007-ը ստեղծված է Mitsubishi Outlander-ի բազայի վրա, ավտոմեքենան ավելի շատ հիշեցնում է մեկ այլ ճապոնական արտադրողի` Nissan-ի X-Trail-ին: Peugeot-ի դիզայներներին հաջողվել է որոշ փոփոխություներ կատարելով 4007-ին տալ այնպիսի տեսք, որը հնարավորինս կտարբերվի Outlander XL-ից: Դրա մասին են վկայում եւ’ դիմացի մեծ օդակլանիչը, եւ’ կապոտի վրայի Peugeot-ի ահռելի էմբլեման, ինչպես նաեւ դիմային փոքր-քիչ շեղ լուսարձակները եւ ետեւի մասի խրոմապատ էլեմենտների ռուբին հիշեցնող լուսարձակները:
Ներսում ղեկի վրա, եթե չլիներ Peougeot-ի էմբլեման եւ ներքին հարդարման նյութերի բարձր որակը, տպավորություն կստեղծվեր, որ գտնվում ես Outlander XL-ում:
Թե դիմացի, եւ թե ետեւի նստատեղերը բավականին հարմար են. ետեւում հանգիստ կտեղավորվեն 3 մեծահասակներ, սրան ավելանում են նաեւ 2 ծալվող նստատեղեր, որոնք նախատեսված են երեխաների համար: Իսկ հետեվի նստատեղերը ծալելիս դուք կստանանք ահռելի` 1,686 լիտրանոց բեռնախցիկ: Եվ այս ամենով Peugeot 4007-ը կարելի է ընտանեկան հարմար ավտոմեքենա համարել:
Եւս մեկ կարեվոր հանգամանք, որի համար արժե ուշադրություն դարձնել Peugeot-ի այս մոդելին: 4007-ի շարժիչի աշխատանքը չի տուժի Հայաստանում ներկրվող, մեղմ ասած, եվրոպական չափանիշներին չհամապատասղանող վառելիքից:
Ի դեպ նշենք, որ Peougeot 4007-ն արտադրվում է Ճապոնիայում` Mitsubishi-ի գործարանում:
Ծանուցումներ
Ծանուցումներ ստանալու համար անհրաժեշտ է մուտք գործել Ձեր հաշիվ։
