Like
OK
Կայացավ Renault Arkana մոդելի պաշտոնական շնորհանդեսը
Դիլերներ
2009 թվականի մարտին Եվրոպայում ամենավաճառվող ավտոմեքենան դարձավ վերջին սերնդի Ford Fiesta-ն: Ինչպես հաղորդում է Automotive News Europe պարբերականը, նախորդ տարվա համեմատ այդ ավտոմեքենայի պահանջարկը մեծացել է 15,5%-ով` մեկ ամսում վաճառվել է 52 805 ավտոմեքենա: Մարտ ամսվա արդյունքներով երկրորդ տեղում է VW Golf-ը, որը դարձավ Եվրոպայի ամենավաճառվող ավտոմեքենան 2008 թվականին:
Ինչպես նշում են Ford ընկերության ներկայացուցիչները, այս մոդելի վաճառքների աճի հիմնական պատճառը Գերմանիայում նկատվող գնորդային բումն է: Ամսվա արդյունքներով այդ երկրում արձանագրվել է ռեկորդային պահանջարկ “Ֆիեստայի” նկատմամբ` սկսած 1998 թվականից: Հարկ է հիշեցնել նաեւ, որ մարտ ամսին նոր ավտոմեքենաների վաճառքները Գերմանիայում աճեցին 40 տոկոսով`երկրի ավտոպարկի թարմացմանն ուղղված կառավարական ծրագրի շնորհիվ:
Վաճառքների ռեկորդային աճի պատճառով Ford ընկերության ղեկավարությունը որոշում է կայացրել վերանայել կրճատված աշխատանքային հերթափոխները Քյոլնի գործարանում, որտեղ հավաքվում է Fiesta-ն, իսկ սկսած ապրիլի 20-ից այստեղ կմտցվեն լրացուցիչ աշխատանքային հերթափոխներ, ինչը թույլ կտա ավելացնել արտադրության ծավալները օրական 1750 ավտոմեքենայից մինչեւ 1850 ավտոմեքենա:
Սակայն 2009 թվականի երեք ամիսների կտրվածքով առաջատարը դեռեւս VW Golf-ն է, որը գերազանցում է “Ֆիեստային” 6 000 ավտոմեքենայով` 119 000 ավտոմեքենա 113 000 դիմաց: Հիշեցնենք, որ 2007 թվականի արդյունքներով ամենավաճառվող ավտոմեքենան Peugeot 207-ն էր, իսկ դրանից մեկ տարի առաջ` Opel Astra-ն:
Ծանուցումներ
Ծանուցումներ ստանալու համար անհրաժեշտ է մուտք գործել Ձեր հաշիվ։
