Renault կավելացնի Megane մոդելի արտադրությունը պահանջարկի աճի պատճառով

Renault ընկերությունը հայտարարել է Իսպանիայի Վալենսիա քաղաքի իր գործարանում երրորդ աշխատանքային հերթափոխ մտցնելու մասին` Megane մոդելի վերջին սերնդի պահանջարկը բավարարելու համար: Այս մասին հաղորդում է Automotive News Europe-ը:

Նախատեսվում է, որ լրացուցիչ հերթափոխը ձեռնարկությունում կմտցվի հունիսի 15-ից. դա թույլ կտա ավելացնել ավտոմեքենաների արտադրությունը օրական 180 հատով (մինչեւ 1100 ավտոմեքենա), ինչպես նաեւ կստեղծի 450 լրացուցիչ աշխատատեղեր: Ինչպես նշում են Renault-ի ներկայացուցիչները, Megane մոդելի վաճառքները մի շարք եվրոպական երկրներում սկսեցին աճել այն բանից հետո, երբ կառավարությունը հայտարարեց ավտոպարկի թարմացման խթանմանն ուղղված ծրագրեր սկսելու մասին: Հիշեցնենք, որ հին մեքենաները նորերով փոխարինելու ծրագրերն արդեն գործում են Գերմանիայում, Ֆրանսիայում, Իտալիայում եւ Արեւելյան Եվրոպայի որոշ երկրներում:

Renault ընկերության տեղեկատվության համաձայն, սկսած նոյեմբեր ամսից, երբ Megane-ը հայտնվեց շուկայում, նրա վաճառքներն արդեն գերազանցել են 45 հազար հատ ցուցանիշը:

Facebook Odnoklassniki

2238 դիտում