Like
OK
Կայացավ Renault Arkana մոդելի պաշտոնական շնորհանդեսը
Դիլերներ
Աշխատավորների համերաշխության օրը ԱՄՆ նախագահ Բարաք Օբաման հայտարարեց Chrysler ավտոմոբիլային ընկերության սնանկության մասին:
Ընկերության պարտքերն անցել էին 7 մլրդ դոլարից եւ Chrysler-ի ղեկավարները չկարողացան համոզել իրենց երկրի կառավարությանն ընկերությունում մեծ պետական ներդրումներ կատարելու անհրաժեշտության մեջ: Այժմ ընկերությունը սնանկ է հայտարարվել եւ ընկերության գործադիր տնօրեն Ռոբերտ Նարդելին պետք է լքի ընկերությունը, իսկ տնօրենների կազմում կընդգրկվեն այն կազմակերպությունների ներկայացուցիչները, որոնք ֆինանսական ռեսուրսներ կտրամադրեն ընկերության բաժնետոմսերի դիմաց:
Chrysler-ի նոր կառուցվածքը հետեւյալն է. Ավտոարդյունաբերության աշխատողների միավորված արհմիությանը կպատկանեն ընկերության բաժնետոմսերի 55%, 25%` պետությանը եւ մնացած 20%` իտալական FIAT ընկերությանը, որը հայտարարեց Chrysler-ի հետ դաշինք կազմելու մասին եւ ամերիկացիներին կտրամադրի իր մշակումները եւ տեխնոլոգիաները:
Chrysler ընկերության ղեկավարությունն ամբողջովին կփոխարինվի: Ամերիկյան կառավարությունը իրավունք է ստացել նշանակել տնօրենների խորհրդի 9 անդամներից 4-ին, կանադական կառավարությունը` 1-ին, եւս մեկ հոգի կարող է ներկայացնել Միավորված արհմիությունը: Fiat ընկերությունը տնօրենների խորհրդում կներկայացնեն 3 հոգի:
Chrysler ընկերությունը պատկանում է ամերիկյան ավտոարտադրողների մեծ եռյակի թվին` General Motors, Ford եւ Chrysler: Ճգնաժամի պատճառով ամերիկյան ընկերությունները թուլացան եւ հայրենական շուկայի մեծ մասը զիջեցին արտասահմանյան ավտոարտադրողներին: Մեծ եռյակի վաճառքների բաժինն առաջին անգամ իջավ 50% ցուցանիշից:
Chrysler ընկերությունն արտադրում է Chrysler, Dodge եւ Jeep ավտոմեքենաները: Նախկինում ամերիկացիներին էին պատկանում նաեւ Plymouth, Eagle բրենդերը:
Ծանուցումներ
Ծանուցումներ ստանալու համար անհրաժեշտ է մուտք գործել Ձեր հաշիվ։
