Volkswagen AG-ի չափաբաժինը համաշխարհային շուկայում աճեց մինչեւ 11%

Volkswagen գերմանական կոնցերնն ընթացիկ ֆինանսական տարվա առաջին եռամսյակում տնտեսական անկումի պայմաններում ավելացրեց իր չափաբաժինը համաշխարհային շուկայում 11%, հայտնել է ընկերության տնօրենների խորհրդի նախագահ Մարտին Վինտերկորնը: Նա նաեւ ավելացրել է. “Իհարկե, ճգնաժամն անհետ չանցավ մեզ համար: Սակայն մենք շատ ուժեղ բրենդեր ունենք, որոնք օժտված են ֆինանսական հուսալիությամբ: Դրա հաշվին առաջին եռամսյակում կոնցերնը կարողացավ ամրապնդել իր դիրքերն ավտոմոբիլային շուկայում”:

Volkswagen կոնցերնը 2009 թվականի առաջին եռամսյակում իրացրել է 1,4 միլիոն ավտոմեքենա ամբողջ աշխարհում: Վաճառքների ընդհանուր 20%-անոց անկման ֆոնին, Volkswagen-ի վաճառքների անկումը կազմեց ընդամենը 10,7%: Արտադրության ծավալը գտնվում է 1,25 մլն ավտոմեքենա մակարդակում: Ընկերության շրջանառությունը կրճատվել է 11,2%-ով եւ կազմել 24 մլրդ եվրո: Օպերացիոն շահույթը կազմել է 312 մլն եվրո: Մաքուր շահույթը` 243 մլն եվրո:

Facebook Odnoklassniki

2096 դիտում