Like
OK
Կայացավ Renault Arkana մոդելի պաշտոնական շնորհանդեսը
Դիլերներ
Porsche ընկերությունը սկսել է Panamera հեթչբեքի նոր երկդռնանի տարբերակի մշակումը, որը կստանա ծալվող փափուկ առաստաղ եւ լայն հասարակությանը կներկայացվի մոտավորապես հաջորդ տարի: Այս մասին գերմանական Auto Motor und Sport պարբերականին տված հարցազրույցում ասել է գերմանական մակնիշի հետազոտությունների եւ նոր մշակումների բաժնի ղեկավար Վոլֆգանգ Դյուրհարմերը:
Դյուրհայմերը որեւե մանրամասն տեղեկատվություն չի հայտնել ավտոմեքենայի վերաբերյալ, միայն նշելով, որ թափքի կոշտության ամրապնդման նկատառումներով Porsche Panamera-ն կզրկվի երկու դռներից: Ինչպես ենթադրում են որոշ լրատվամիջոցներ, այս մոդելի բաց տարբերակի համար կառաջարկվի շարժիչների նույն գամման, ինչ հինդռնանի հեթչբեքինն է: Հիշեցնենք, որ դրա մեջ մտնում են 4,8-լիտրանոց V8` 400 ձիաուժ հզորությամբ, նույն շարիչի 500-ուժանոց տարբերակը երկու տուրբիններով, ինչպես նաեւ 6-մխոցանի բենզինային ագրեգատներ:
Նույնպես պետք է նշել, որ Porsche ընկերությունը Panamera-ի բազայի վրա պատրաստվում է մշակել եւս մեկ մոդել` սպորտային կուպե կոշտ ստացիոնար առաստաղով, որը կդառնա 1978-1995թթ արտադրվող 928 մոդելի գաղափարական հետեւորդը: Ակնկալվում է, որ այդ մոդելը, ինչպես նաեւ կաբրիոլետը, կմեկնարկեն հաջորդ տարի:
Ծանուցումներ
Ծանուցումներ ստանալու համար անհրաժեշտ է մուտք գործել Ձեր հաշիվ։
