Նոր VW Golf-մ ունիվերսալ է դարձել

Volkswagen ընկերությունը հինգշաբթի օր պաշտոնապես ներկայացրել է նոր սերնդի Golf ունիվերսալը, որը ստացել է ավանդական Variant անվանումը: Ընտանիքի մյուս մոդելներից ավտոմեքենան տարբերվում է ավելի երկար թափքով, ետեւի մասի փոփոխված ձեւավորմամբ եւ մեծ բեռնախցիկային մասով, որի ծավալը ետեւի նստատեղերի ծալվելու դեպքում հասնում է 1495 լիտրի:

Եվրոպական շուկայում, որտեղ դիլերներն արդեն սկսել են ընդունել VW Golf  ունիվերսալի պատվերները, նորույթն առաջարկվելու  է կոմպլեկտավորման երեք տարբերակներով եւ շարժիչների լայն շարքով, որն իր մեջ ընդգրկում է 4 բենզինային եւ երկու դիզելային շարժիչներ: Բենզինայինների թվում են 1,4 լիտրանոց տուրբոյացված եւ 1,6 լիտրանոց մթնոլորտային շարժիչներ` 80-ից 160 ձիաուժ հզորությամբ: Դիզելային շարքը ներկայացված է 1,6 եւ 2,0 լիտրանոց “չորսնյակներով”, ներառյալ այս մոդելի համար նոր 105-ուժանոց ագրեգատը, որի վառելիքի միջին ծախսը 100 կմ վրա ծախսում է ընդամենը 4,5 լիտր:

Առաջին Golf ունիվերսալները եվրոպական գնորդներին կհասնեն ընթացիկ տարվա սեպտեմբերին: Ավտոմեքենայի գները սկսվելու են 18 հազար 500 եվրոյից:

Facebook Odnoklassniki

1800 դիտում