Mercedes-Benz-ը 3-դռնանի ունիվերսալի կվերածի E-Class-ը

Mercedes-Benz ընկերությունը նախատեսում է ընդլայնել նոր E-Class-ի մոդիֆիկացիաների շարքը “3-դռնանի ունիվերսալ” թափքով ավտոմեքենայի հաշվին (թափքի նման տեսակը կոչվում է "shooting brake"): Այս մասին հաղորդում է բրիտանական Car պարբերականը: 

Նորույթը կկառուցվի Mercedes-Benz Fascination կոնցեպտուալ ավտոմեքենայի մոտիվներով, որն առաջին անգամ ներկայացվել էր անցած տարի Փարիզի ավտոսրահում եւ պատկերացում էր ստեղծում այն մասին, թե ինչպիսի տեսք կունենան E-Class-ի սեդանը եւ կուպեն: “Մենք հանդիսանում ենք ունիվերսալների եւ դրանց տարբերակների արտադրողներ, ինչպես նաեւ թողարկում ենք կուպեներ: Այժմ մենք “խաղում ենք” թափքի բոլոր հնարավոր ձեւերի հետ եւ միանգամայն բնական է, որ ընկերությունը սկսել է ուսումնասիրել այնպիսի սեքսուալ եւ էմոցիոնալ ավտոմեքենայի սերիական տարբերակի ստեղծման հնարավորությունը, ինչպիսին է Fascination կոնցեպտուալ ավտոմեքենան”, - Car անսագրին հայտնել է նոր մշակումների բաժնի ղեկավար Շտեֆֆեն Քյոլը (Steffen Koehl):

Գերմանական ընկերությունում հույս ունեն, որ 3-դռնանի E-Class ունիվերսալը կկրկնի 4-դռնանի CLS կուպեի շուկայական հաջողությունը, եւ Mercedes-Benz-ի ղեկավարության կողմից հավանության արժանանալու դեպքում, նորույթը վաճառքում կհայտնվի մոտավորապես 2011 թվականին:

Բացի դրանից, ընթացիկ տարում Ֆրանկֆուրտի ավտոսրահում կներկայացվի “սովորական” E-Class ունիվերսալը:

Facebook Odnoklassniki

1969 դիտում