Lexus LF-A կմեկնարկի Տոկիոյում

Lexus LF-A սուպերավտոմեքենայի սերիական տարբերակի պրեմիերան կկայանա 2009 թվականի հոկտեմբերին Տոկիոյի միջազգային ավտոսրահում: Ինչպես գրում է բրիտանական Auto Express ամսագիրը, սպորտային կուպեի ճանապարհային տարբերակը կստանա 4,8 լիտրանոց V10 շարժիչ` 550 ձիաուժ հզորությամբ, ինչը թույլ կտա ավտոմեքենային զարգացնել առավելագույնը 350 կմ/ժ արագություն: Մրցարշավային նախատիպերից (որոնք, ցավոք, վատ հանդես եկան Նյուրբուրգրինգում. մեկը այրվեց, մյուսը գրավեց 87-րդ տեղը) այն կտարբերվի առջեւի բամպերի, ռադիատորային ցանցի եւ լուսարձակների ձեւավորմամբ:

Նախնական տվյալներով, Lexus LF-A գինը կկազմի 200 000-260 000 դոլար: Ferrari 599 GTB եւ Lamborghini Murcielago LP640 մրցակիցը կարտադրվի սահմանափակ թվաքանակով` 500 օրինակ:

Facebook Odnoklassniki

1978 դիտում