Magna-ի եւ ՌԴ Խնայբանկի կոնսորցիումը դարձավ Opel-ի եւ Vauxhall-ի սեփականատերը

Գերմանիայի իշխանությունները համաձայնություն են ձեռք բերել ամերիկյան General Motors ավտոկոնցերնի եւ կանադական Magna International ընկերության հետ, որը հանդես է գալիս Ռուսաստանի Խնայբանկի հետ գործընկերությամբ, Opel գերմանական ավտոարտադրողի փրկության մասին: Գերմանիայի ղեկավարությունը եւ գերմանական հողերի ղեկավարները, որտեղ տեղակայված են Opel-ի հիմնական ձեռնարկությունները, հավանության են արժանացրել ռուս-կանադական կոնսորցիումի ներդրումային ծրագիրը, բանակցություններից հետո հայտնել է Գերմանիայի ֆինանսների նախարար Պետեր Շտայնբրյուկը, հայտնում է (С) Associated Press-ը:

Magna-ն եւ Խնայբանկը հավակնում են Adam Opel GmbH ընկերության բաժնետոմսերի հսկիչ փաթեթին, որը միավորում է Opel-ը եւ Vauxhall “ազգակից” բրենդը: Magna-ի ծրագրի համաձայն, General Motors-ը կպահպանի Opel-ում իր 35%-անոց բաժնեմասը, եւ 35% տոկոս կանցնեն Խնայբանկին, 20%` Magna-ին, իսկ մնացած 10% կպատկանեն Opel-ի աշխատողներին: Նոր ներդրողների կապիտալ ներդրումներն Opel-ում պետք է կազմեն 500-700 մլն եվրո: Opel-ի արդյունաբերական գործընկեր, ինչպես նախատեսվում է, գդառնա “ԳԱԶ խումբը”:

Facebook Odnoklassniki

1906 դիտում