Երեւանյան Drag Racing. սեզոնի մեկնարկը

Մայիսի 31 ին Նոր Հաճնում, “Արզնի” օդանավակայանի պահեստային թռիչքադաշտում տեղի ունեցավ Drag Racing մրցումների հերթական սեզոնի բացումը: Մրցումները կազմակերպել էին STR հասարակական կազմակերպությունը եւ Rally Tour ակումբը:

Պաշտպանության նախարարության հովանու ներքո անցկացվող այս մրցումները կազմակերպվում են տարեկան մի քանի անգամ, անցնում են հատուկ կանոններով եւ հսկողության տակ:

Ինչպես միշտ, մրցումները մեծ հետաքրքրություն էին առաջացրել: Բացի հայաստանցի մասնակիցներից եւ հանդիսատեսներից, հյուրեր կային նաեւ Վրաստանից, որոնք, ի դեպ, մշտապես արդեն մասնակցում են մրցումներին: Այս անգամ նրանք ներկայացված էին 8 մեքենաներով: Ընդհանուր առմամբ միջոցառմանը մասնակցում էր 52 ավտոմեքենա:

Հաջորդ մրցումները տեղի կունենան երկու շաբաթից, հունիսի 21 ին: Հետեւեք Auto.am-ի լրահոսին, եւ մենք կտեղեկացնենք միջոցառման անցկացման տեղի մասին:

Նշենք, որ STR-ը եւ Rally Tour-ը կազմակերպում են եւս մեկ աննախադեպ միջոցառում` առաջին անգամ Կովկասում արկածային սիրողական մրցավազք Երեվան – Քոբուլեթի երթուղով: Բոլոր գրանցված մասնակիցներին կտրվի 30 լիտր բենզին, Քոբուլեթիում 2 օր գիշերելու հնարավորություն, ինչպես նաեւ բոլոր մասնակիցները կապահովագրվեն: Մրցավազքը  նախատեսվում է անցկացնել օգոստոս ամսին: Ի դեպ, ցանկացողները կարող են նաեւ շարունակել հանգիստը Վրաստանում:

Մարամասն պայմաններին համար կարող եք ծանոթանալ, զանգահարելով 091 00 11 23 եւ 099 202366 հեռախոսահամարներով:

Facebook Odnoklassniki

4101 դիտում