Like
OK
Կայացավ Renault Arkana մոդելի պաշտոնական շնորհանդեսը
Դիլերներ
Չորեքշաբթի օրը Worldcarfans ցանցային պարբերականը հրապարակել է Skoda Fabia նորացված հեթչբեքի առաջին լրտեսական լուսանկարները: Ավտոմեքենան լուսանկարվել էր Ավստրիայում փորձարկումների ժամանակ:
Դատելով լուսանկարներից, սերիական ավտոմեքենան կստանա նոր դիմային բամպեր մեծ հակամառախուղային լուսարձակներով: Փորձարկվող ավտոմեքենայի ետեւի բամպերը դեռեւս քողարկված է, սակայն կարելի է տեսնել, որ էական փոփոխությունների այն չի ենթարկվել:
Որոշ տվյալներով, լրտեսական լուսանկարներում կարող է ներկայացված լինել նաեւ չեխական հեթչբեքի “ուժեղացված” տարբերակը, որը, ինչպես ակնկալվում է, ստեղծվելու է Fabia S2000 ռալլիական ավտոմեքենայի եւ Fabia Sport կոնցեպտուալ ավտոմեքենայի մոտիվներով, որն առաջին անգամ ներկայացվել էր ընթացիկ տարվա մարտին Ժնեւի մոտորշոուին: Ինչպես հաղորդվում էր նախկինում, այդ ավտոմեքենան վաճառքում կհայտնվի արդեն հաջորդ տարի: Ամենահզոր “Ֆաբիայի” տեխնիկական հագեցվածության մասին դեռեւս ոչինչ չի հաղորդվում:
Worldcarfans կայքի տեղեկություններով, նորացված Skoda Fabia հեթչբեքի պրեմիերան կկայանա ընթացիկ տարվա սեպտեմբերին Ֆրանկֆուրտում:
Ծանուցումներ
Ծանուցումներ ստանալու համար անհրաժեշտ է մուտք գործել Ձեր հաշիվ։
