Like
OK
Կայացավ Renault Arkana մոդելի պաշտոնական շնորհանդեսը
Դիլերներ
Peugeot ընկերությունը սկսել է 2+2 նստատեղային ձեւաչափով սպորտային կուպեի փորձարկումները, որը ստեղծվել է երկու տարի առաջ Ֆրանկֆուրտի ավտոսրահում ցուցադրված 308 RC Z կոնցեպտուալ ավտոմեքենայի մոտիներով: Դատելով լրտեսական լուսանկարներից, որոնք հրապարակել է Carscoop պարբերականը, սերիական ավտոմեքենան գործնականում չի տարբերվելու նախատիպից:
Նախնական տվյալներով, կուպեն կառուցվելու է 308 հեթչբեքի առջեւի քարշակային պլատֆորմի վրա: Ավտոմեքենայի թոփային տարբերակը համալրվելու է 1,6-լիտրանոց 4-մխոցանի տուրբոշարժիչով մոտ 218 ձիաուժ հզորությամբ, որը կաշխատի 6-աստիճան մեխանիկական փոխանցման տուփի հետ միասին:
Peugeot-ի նոր կուպեի այլ տարբերակներն առաջարկվելու են 150-ուժանոց բենզինային տուրբոշարժիչով, որը կառաջարկվի նաեւ 163-ձիաուժ հզորությամբ: Ակնկալվում է, որ բացի “մեխանիկայից” կլինի նաեւ ավտոմատ փոխանցման տուփ:
Սերիական ավտոմեքենայի անվանումը եւ նրա մանրամասն բնութագրերը կհնչեցվեն սեպտեմբերին Ֆրանկֆուրտի ավտսրահում: Ենթադրվում է, որ Եվրոպայում Peugeot-ի կուպեն կհայտնվի հաջորդ տարվա մայիսին, իսկ նրա արժեքը կկազմի մոտ 23 հազար եվրո:
Ծանուցումներ
Ծանուցումներ ստանալու համար անհրաժեշտ է մուտք գործել Ձեր հաշիվ։
