Alfa Romeo-ն պրեմիերայի է պատրաստում նոր մոդել

Alfa Romeo ընկերությունը սկսել է նոր Milano հեթչբեքի փորձարկումները: Այս մասին վկայում են ավտոմեքենայի լրտեսական լուսանկարները, որոնք արվել էին հանրահայտ Նյուրբուրգրինգ մրցարշավորդային թրեքի մերձակայքում եւ հրապարակվել Motor Trend ամսագրում: Ինչպես հաղորդվում էր նախկինում, այս ավտոմեքենան կփոխարինի 147 մոդելը եւ կմեկնարկի ս.թ. սեպտեմբերին Ֆրանկֆուրտի մոտորշոուին:

Նախնական տվյալներով, Alfa Romeo Milano հեթչբեքը կառուցվելու է նոր “ֆիատական” պլատֆորմի վրա եւ առաջարկվելու է ինչպես առջեւի, այնպես էլ լիաքարշակ, ինչպես նաեւ 3- եւ 5-դռնանի տարբերակներով: Ավտոմեքենայի շարժիչների շարքում կընդգրկվեն 1,4-լիտրանոց տուրբոյացված բենզինային շարժիչներ` T-Jet ընտանիքից, որոնք կունենան 120 եւ 158 ձիաուժ հզորություն, եւ Multijet սերիայի դիզելային շարժիչներ: Բացի այդ, սպասվում է նաեւ ուժեղացված GTA մոդիֆիկացիայի ավտոմեքենան` 6-մխոցանի մթնոլորտային շարժիչով:

Milano հեթչբեքը եվրոպական շուկայում կհայտնվի 2010 թվականի սկզբին եւ մրցակցություն կկազմի Audi A3 եւ BMW 1-Series ավտոմեքենաներին:

Facebook Odnoklassniki

1495 դիտում