Audi-ն մասամբ գաղտնազերծել է A5 Sportback “հինգդռնանի կուպեն”

Չորեքշաբթի օրը Audi ընկերությունը տարածել է իր նոր մոդելի` A5 Sportback-ի առաջին պաշտոնական լուսանկար-տիզերը եւ որոշ տեղեկություններ նոր մոդելի մասին, որը գերմանական մակնիշի ներկայացուցիչներն անվանում են “5-դռնանի կուպե”: Ավտոմեքենան եվրոպական շուկայում կհայտնվի ընթացիկ տարվա սեպտեմբերին եւ կդառնա երրորդ մոդիֆիկացիան “հինգերորդ” ընտանիքում` միանալով կուպեին եւ կաբրիոլետին: Ի տարբերություն Audi A4 սեդանի նորույթը 36 միլիմետրով կարճ կլինի, անշրջանակ ապակիներ եւ երկու միլիմետրով երկարացված (մինչեւ 2810 մմ) անիվային բազա: Բեռնախցիկային մասի ծավալը ետեւի բարձրացված նստատեղերի դեպքում կկազմի 480 լիտր, ինչը ընդամենը 10 լիտրով է պակաս A4 ունիվերսալի հնրավորությունից: Երկրորդ շարքի ծալված նստատեղերի դեպքում օգտակար տարածքը մեծանում է մինչեւ 980 լիտր:

Ի սկզբանե A5 Sportback մոդելի համար առաջարկվելու են երկու դիզելային շարժիչներ` 2-լիտրանի տուրբոշարժիչ 211 ձիաուժ հզորությամբ եւ 265-ուժանոց “վեցնյակ” 3,2 լիտր ծավալով, որը մատչելի կլինի լիաքարշակ ֆիրմային quattro համակարգի հետ միասին: Դիզելային շարժիչների շարքում կլինեն ագրեգատներ` 2,0, 2,7 եւ 3,0 լիտր ծավալով եւ համախատասխանաբար 170 (350 Նմ), 190 (400 Նմ) եւ 240 (500 Նմ) ձիաուժ հզորությամբ:

Audi-ի ներկայացուցիչների խոսքերով, “հինգդռնանի կուպեի” վաճառքի մեկնարկից որոշ ժամանակ անց կահյտնվեն նաեւ ավելի փոքր հզորությամբ շարժիչներով մոդիֆիկացիաներ: Կոնկրետ ինչպիսիք, չի նշվում, սակայն որոշ պարբերականներ ենթադրում են, որ ընկերությունը շարժիչների շարքում կընդգրկի TFSI 1,8 եւ 2,0 լիտրանոց բենզինային շարժիչներ` 160 եւ 180 ձիաուժ հզորությամբ համապատասխանաբար:

Գերմանիայում Audi A5 Sportback-ի գները կսկսվեն 36 050 եվրոյից (2-լիտրանոց “դիզելով” եւ 6-աստիճան “մեխանիկայով” տարբերակի համար): Ավտոմեքենայի ավելի մատչելի մոդիֆիկացիաները կհայտնվեն 2010 թվականի կեսերին:

Facebook Odnoklassniki

1699 դիտում