Lexus մակնիշը գլխավորեց նոր ավտոմեքենաների որակի վարկանիշը

Lexus մակնիշը 12-րդ անգամ գլխավորել է ԱՄՆ-ում վաճառվող նոր ավտոմեքենաների հուսալիության վարկանիշը, որը կազմվել է J.D. Power and Associates ընկերության կողմից: “Ընդհանուր hաշվարկում” հաղթանակից բացի, ճապոնական մակնիշն առաջատար է ճանաչվել 5 անվանակարգերում` IS. GS, GX, LS եւ LX մոդելների հետ:

J.D. Power and Associates վարկանիշը կազմվում 2008 թ. վերջին – 2009 թ. սկզբին ձեռքբերված նոր ավտոմեքենաների 80 հազար սեփականատերերի հարցման արդյունքներով, եւ հաշվի է առնում թերությունները եւ անսարքությունները, որոնք հայտնաբերվել են առաջին 90 օրերի ընթացքում: ԱՄՆ-ում նոր ավտոմեքենաների համար անսարքությունների միջին ցուցանիշը կազմում է 108 դեֆեկտ 100 ավտոմեքենայի համար: Ընդ որում, ամերիկյան բրենդերի համար այդ ցուցանիշը հավասար է 112 դեֆեկտի 100 ավտոմեքենայի համար, իսկ արտասահմանյան ավտոմեքենաների համար` 106 անսարքություն 100 ավտոմեքենայի համար: Սակայն վարկանիշի առաջատարի` Lexus մակնիշի մոտ, անսարքությունների թիվը նկատելի ծացր է. ընդամենը 84 դեպք 100 ավտոմեքենայի համար:

Toyota մակնիշը (առանց Lexus բրենդի) առաջին տեղերն է գրավել եւս չորս անվանակարգերում, իսկ նրա Scion ենթաբրենդը հաղթել է սպորտային ավտոմեքենաների անվանակարգում: Հուսալիության ցուցանիշով երկրորդ տեղը զբաղեցրել է Porsche մակնիշը, իսկ երրորդը` ամերիկյան Cadillac-ը: Ford-ը զբաղեցրել է ընդամենը 8-րդ տեղը ընդհանուր վարկանիշում, սակայն նրա մոդելները ամենահուսալին են ճանաչվել միանգամից երեք կատեգորիաներում:

Հարկ է նշել, որ ոչ նոր ավտոմեքենաների (2006 թվականի մոդելային շարք) հուսալիության վարկանիշում, որը հրապարակվել էր մարտրին, առաջին երկու տեղը զբաղեցրել էին Buick եւ Jaguar մակնիշները, առաջ անցնելով Lexus ընկերությունից: Սակայն առանձին անվանակարգերում զբաղեցրած առաջին տեղերով Toyota-ն այստեղ եւս առաջատարբերի թվում էր. 5 հաղթանակ` Toyota-ի, եւ 4` Lexus-ի մոտ:

Facebook Odnoklassniki

1903 դիտում