Mercedes-Benz CL-ը կանվանափոխեն S-Class Coupe-ի

Mercedes-Benz ընկերությունը սկսել է CL-Class ավտոմեքենայի նորացված տարբերակի փորձարկումները, որը շուկա դուրս գալուց հետո կանվանափոխվի S-Class Coupe-ի: Այս մասին հաղորդում է բրիտանական Evo պարբերականը, որը երեքշաբթի օրը հրապարակել էր այդ ավտոմեքենայի` գերմանական Նյուրբուրգրինգ թրեքի մոտ արված լրտեսական լուսանկարները:

Դատելով լուսանկարներից, կուպեն կստանա նոր, ավելի ագրեսիվ առջեւի բամպեր` ցերեկային լույսի լուսադիոդային լամպերով, ետեւի տեսքի այլ հայելիներ եւ ռադիատորի ցանց, գլխավոր լույսի այլ ձեւի լուսարձակներ, փոփոխված ետեւի բամպեր` ինտեգրված արտանետային համակարգի խողովակներով, եւ լուսադիոդային ետեւի լուսարձակներ: Կարդիականացվի՞, թե ո՞չ ավտոմեքենայի տեխնիկական հագեցվածությունը, դեռեւս հայտնի չէ: Ենթադրվում է, որ նոր CL-ում կհայտնվի համակարգ, որը նվազեցնում է կողային քամու ազդեցությունը ավտոմեքենայի շարժման կորագծի վրա, ինչպես նաեւ որոշ այլ էլեկտրոնային համակարգեր, որոնք կտեղադրվեն նորացված S-Class-ի վրա:

Ակնկալվում է, որ նորացված Mercedes-Benz CL-Class-ի պրեմիերան կկայանա հաջորդ տարի` խոշոր միջազգային ավտոսրահներից մեկի ժամանակ:

Facebook Odnoklassniki

1859 դիտում