Like
OK
Կայացավ Renault Arkana մոդելի պաշտոնական շնորհանդեսը
Դիլերներ
Volkswagen կոնցերնն ուսումնասիրում է ճապոնական Suzuki ավտոարտադրողի հետ սուբկոմպակտ ավտոմեքենաների բնագավառում ռազմավարական դաշինք ստեղծելու հնարավորությունը: Այս մասին հաղորդում է Bloomberg գործակալությունը:
Ինչպես ճշտում է Reuters-ը, գործընկերության շրջանակներում ճապոնական Suzuki-ն խոշոր ավտոարտադրողի աջակցությունը կստանա նոր մոդելների մշակման գործում, իսկ Volkswagen-ն իր մոդելային շարքում կարող է ավելացնել սուբկոմպակտ ավտոմեքենա, որը մեկ աստիճան ցածր կկանգնի քաղաքային ավտոմեքենաների ընտանիքից, որոնք ստեղծվել են "Up!" կոնցեպտ-ավտոմեքենաների մոտիվներով: Նշենք, որ այս շարքի առաջին մոդելները պետք է հոսքագծի վրա կանգնեն Բրատիսլավայի գործարանում 2011 թվականին:
Որոշ տվյալներով, Volkswagen կոնցերնը դաշինքի շրջանակներում ուսումնասիրում է նաեւ Suzuki-ի բաժնետոմսերի 10%-ի ձեռքբերման հնարավորությունը, սակայն ճապոնական ընկերության ներկայացուցիչները հրաժարվեցին մեկնաբանել այդ տեղեկատվությունը, ինչպես նաեւ գերմանացիների հետ սպասվող գործընկերության մասին հաղորդագրությունները:
Հարկ է նշել, որ 8 տարի առաջ Suzuki Motor-ի բաժնետոմսերի մոտ 20%-ը պատկանում էր General Motors կոնցերնին, սակայն 2006 թվականին ամերիկյան ավտոարտադրողը վաճառեց 17%-անոց փաթեթը 2 մլրդ դոլարով` սեփական բյուջեն հարստացնելու համար: 2008 թվականի վերջին Suzuki-ն ինքը GM-ից ետ գնեց մնացած 3 տոկոսը, նշելով սակայն, որ երկու ընկերությունների համատեղ նախագծերն ուժի մեջ են մնում:
Ինչպես համարում են որոշ փորձագետներ, այժմ GM-ի սնանկության եւ նրա ոչ կայուն ֆինանսական դրության պատճառով ճապոնացիներին նոր գործընկեր է պետք, որը կարող է լինել VW-ը: Ընդ որում, Reuters-ի հաղորդմամն, նախորդ ամիս Volkswagen-ի տնօրենների խորհրդի նախագագ Ֆերդինանդ Պիխը հայտարարել էր, որ կոնցերնը հետաքրքրված Suzuki մակնիշով:
Ծանուցումներ
Ծանուցումներ ստանալու համար անհրաժեշտ է մուտք գործել Ձեր հաշիվ։
