Porsche ընկերությունը VW-ին մեղադրել է շանտաժի մեջ

Porsche ընկերության ներկայացուցիչները մերժել են Volkswagen-ի բաժնետերերի վերջնագրային առաջարկը Porsche-ի բաժնետոմսերի կեսը ձեռք բերելու վերաբերյալ` որպես երկու ընկերությունների միաձուլման առաջին քայլ: Ինչպես հայտարարել է Porsche-ի վարչության նախագահ Վոլֆգանգ Պորշեն, այդ առաջարկն ավելի շատ շանտաժի էր նման. VW կոնցերնը պահանջում էր ավարտել գործքարքն իր պայմաններով երկուշաբթի օրվանից ոչ ուշ: Այս մասին հաղորդում է FT.com-ը: “21-րդ դարում վերջնագրերը չեն անցնում”, - հայտարարել է Վոլֆգանգ Պորշեն The Financial Times-ին տված հարցազրույցում, - Մենք շանտաժի չենք ենթարկվի”:

Ինչպես հաղորդվում էր մինչ այդ, տարաձայնություններն այն մասին, թե ինչպես պետք է անցնի երկու ընկերությունների միաձուլման ընթացակարգը, VW եւ Porsche ղեկավարության մոտ ծագել էին մի քանի շաբաթ առաջ: Volkswagen-ի ներկայացուցիչները, մասնավորապես, պնդում էին Porsche-ի բաժնետմոսերի 49%-անոց փաթեթի ձեռբերման վրա, որի ընդհանուր պարտքերն այժմ գերազանցում են 9 մլրդ եվրոն: Այդ միջոցները կօգնեին Porsche-ին մարել պարտքերի մի մասը:

Սակայն Պորշեն, տարբեր պատճառներով (օրինակ, VW կողմից առաջարկված չափազանց ծացր գինը) չի ցանկանում իր բաժնետոմսերը վաճառել իր ապագա դաշնակցին: Դրա փոխարեն, որպես հնարավոր ներդրողներ Porsche-ում դիտարկում են Քաթարի բիզնեսմեններին, որոնք պատրաստ են գնել ընկերության բաժնետմոսերի 25 տոկոսը 2,5-3 մլրդ եվրոյով: Բացի այդ, Porsche պատրաստ է վաճառել նրանց նաեւ VW բաժնետոմսերի 20%:

Ներկայումս Porsche ընկերությանը պատկանում են Volkswagen-ի բաժնետոմսերի 50%-ից ավելին:

Facebook Odnoklassniki

1868 դիտում