Porsche-ն մտադիր է կրճատել է 911 Carrera-ի արտադրության ծավալները

Գերմանական Porsche SE ավտոարտադրողն ուսումնասիրում է 911 Carrera մոդելի արտադրության ծավալների կրճատումը Ցուֆֆենհաուզեն քաղաքում: Ինչպես (С) Reuters-ին հայտնել են աղբյուրներն ընկերությունում, դա կապված է մակնիշի վաճառքների էական կրճատման հետ: “Մենք ստիպված կլինենք մտածել այդ մասին, եթե վաճառքների դինամիկան մնա նույնը եւ չսկսի բարելավվել”, - ասել է նա: Աղբյուրի հաղորդմամբ, Ցուֆֆենհաուզենի գործարանի աշխատակիցների ավանդական ամառային արձակուրդները կերկարացվեն 19 օրով. մինչ այդ արտադրությունը կանգնեցնում էին 11 օրով: Միեւնույն ժամանակ, Porsche երկրորդ գործարանում` Լայպցիգում, հոսքագիծը կաշխատի լրիվ ռեժիմով` Panamera նոր սեդանի արտադրության մեկնարկի շնորհիվ:

Հիշեցնենք, որ վերջին երեք եռամսյակների ընթացքում Porsche-ի վաճառքների ծավալը կրճատվել է 28%-ով` մինչեւ 53 635 ավտոմեքենա: Հակաճգնաժամային ծրագրի շրջանակներում ընկերությունը մտադիր է կրճատել ծախսերն ավելի քան 100 մլն եվրոյով:

Facebook Odnoklassniki

1569 դիտում