Կառավարական հատկացուններն օգնել են ավելացնել ավտոմեքենաների վաճառքները Եվրոպայում

Նոր ավտոմեքենաների ձեռքբերման խթանման կառավարական ծրագրերը, որոնք գործում են եվրոպական շատ երկրներում, հունիս ամսին հանգեցրել են մեքենաների պահանջարկի աճի: Դրական դինամիկա է գրանցվել Իտալիայում, Իսպանիայում, Ֆրանսիայում եւ Մեծ Բրիտանիայում: Այս մասին հաղորդում է Reuters-ը:

Հունիսին Ֆրանսիայում նոր մեքենաների պահանջարկն աճել է 7,1%-ով, Իտալիայում` 12,4%-ով (պատվերների քանակությունը, ընդ որում, աճել է 9 տոկոսով): Իսպանիայում նախորդ տարվա համեմատությամբ, վաճառքները դեռեւս գտնվում են “մինուսում” (-15,9 %), սակայն մայիս ամսվա համեմատությամբ, երբ գրանցվեց 38,7%-անոց անկում, վաճառքների դինամիկան հայտնվեց “պլյուսում”:

Նմանատիպ իրավիճակ է նկատվում Մեծ Բրիտանիայում, որտեղ կառավարական հատկացումները հին մեքենաների ուտիլիզացման եւ նորերի ձեռքբերման համար սկսել են գործել մայիս ամսվա երկրորդ կեսին: Հունիսին վաճառքների անկումը նախորդ տարվա համեմատությամբ կազմել է ընդամենը 15,7%` համեմատության համար, առաջին չորս ամսվա արդյունքներով, ավտոմեքենաների պահանջարկն ընկել էր գրեթե 30%-ով:

Փորձագետները գտնում են, որ ցուցանիշների բարելավումը եվրոպական գլխավոր շուկաներում, կարող է նշանակել կայունացնել նոր ավտոմեքենաների պահանջարկը: Սակայն այն դեպքում, եթե կառավարական ծրագրերը դադարեն գործելուց (Իսպանիայում եւ Ֆրանսիայում ֆինանսավորումն ավարտվելու է արդեն 2009 թվականին), ապա իրավիճակը նորից կարող է վատթարանալ:

Facebook Odnoklassniki

1787 դիտում