Peugeot 308 RCZ սերիական կուպեն կցուցադրեն Ֆրանկֆուրտում

Peugeot ընկերությունը պաշտոնապես հաստատել է տեղեկատվությունն այն մասին, որ Peugeot 308 մոդելի բազայի հիման վրա ստեղծված սպորտային կուպեի մեկնարկը կկայանա առաջիկա աշնանը Ֆրանկֆուրտի ավտոսրահում: Վաճառքում այդ մոդելը կհայտնվի 2010 թվականի սկզբին` մոտավորապես աշնանը:

Peugeot-ի նոր մոդելը կոչվելու է 308 RCZ եւ կստանա թափք` "2+2" ձեւաչափով: Դատելով առաջին լուսանկարներից, այդ ավտոմեքենան կստանա բարդ ձեւի ետեւի ապակի, առաջ տեղաշարժված խցիկ` բեռնախցիկային մասով, եւ ընդհանուր առմամբ հիշեցնելու է նույնանուն կոնցեպտ-ավտոմեքենան, որը ներկայացվել էր 2007 թվականին Ֆրանկֆուրտում:

Երկու տարի առաջ ցուցադրված Peugeot-ի սպորտկուպեի նախատիպը կառուցվել է ալյումինե եւ կարբոնե դետալների լայն օգտագործմամբ, որի շնորհիվ նրա քաշը կազմում է ընդամենը 1200 կգ: Կոնցեպտ-ավտոմեքենան ստացել էր 1,6-լիտրանոց բենզինային շարժիչ` ուժեղացված մինչեւ 218 ձիաուժ, եւ կարող էր մինչեւ 100 կմ արագություն զարգացնել 7 վայրկյանում:

Սերիական մոդելի տեխնիկական մանրամասները դեռեւս չեն հաղորդվում:

Facebook Odnoklassniki

1885 դիտում