Like
OK
Կայացավ Renault Arkana մոդելի պաշտոնական շնորհանդեսը
Դիլերներ
2008 թվականին VW-ն միայն երրորդ ավտոարտադրողն էր աշխարհում General Motors-ից եւ (մինչեւ վերջերս) գերհաջողակ Toyota-ից հետո, որը վերջապես դարձավ աշխարհի ամենախոշոր ավտոարտադրողը: Այժմ VW-ն անցել է GM-ին եւ լրջորեն կրճատել է Toyota-ից իր հետ մնալը:
VW գործադիր տնօրեն Մարտին Վինտերկորնը ցանկանում է, որ գերմանական գիգանտն աշխարհի ամենախոշոր ավտոարտադրողը դառնա 2018 թվականին: VW-ն այդ նապատակին հասնելու ճանապարհին է նախորդ տարի ողջ աշխարհով արձանագրված վաճառքների 1,3% աճի (մինչեւ 6 271 724 ավտոմեքենա) եւ արտադրության 2,1% աճի շնորհիվ (մինչեւ 6 346 515 միավոր): Toyota-ն ընդհակառակը, փոքր-ինչ նվազեցրել է վաճառքները (-4,2%` մինչեւ 8 972 000) եւ արտադրությունը (-2,9%` մինչեւ 9 225 000) նույն ժամանակահատվածում:
Եթե վերցնենք ավելի երկար ժամանակահատված եւ հետեւենք ավտորարտադրողների միտումներին վերջին տարիների ընթացքում, ապա այստեղ անզեն աչքով երեւում է VW-ի վիթխարի առաջընթացը, որի գլոբալ վաճառքները 2004 թվականից աճել են 23,5%-ով: Նույն ժամանակահատվածում Toyota-ն ավելացրել է վաճառքները 19,5%-ով: VW արտադրությունն աճել է 24,6%-ով (1,25 մլն ավտոմեքենա), իսկ Toyota-ն 2008 թվականին արտադրել է 22,2%-ով ավելի շատ ավտոմեքենա, քան 2004 թվականին:
Ford-ի վաճառքները նվազել են 10,8%-ով եւ այժմ արդեն շատ քիչ են հետ մնում Hyundai-KIA ընկերության վաճառքներից: Կորեացիներն էլ իրենց հերթին լցվեցին նոր ուժով եւ ավելացրեցին վաճառքները 5%-ով (մինչեւ 4 157 904): Այս ընկերություններն այսօր չորրորդ եւ հինգերորդ ավտոարտադրողներն են աշխարհում: Նրանց միջեւ տարբերությունն ընդամենը 1,2 մլն. վաճառված ավտոմեքենա է:
2009 թվականին GM-ի վաճառքների արդյունքի վրա լրջորեն կազդի Saturn, Hummer, Pontiac եւ Saab բրենդերի փակումը եւ վաճառքը: Այս մակնիշների գլոբալ վաճառքները 2008 թվականին կազմել են 720 550 ավտոմեքենա: Դեռ հայտնի չէ, թե այդ մակնիշների հաճախորդներից քանիսը նախապատվություն կտան GM-ի մյուս բրեդներին, իսկ քանիսը «կդավաճանեն» կոնցերնին:
Ավելի կարեւոր է այն, որ GM-ը կկորցնի Opel-ը եւ Vauxhall-ը: Չէ որ եթե GM-ը կորցնի վերահսկողությունը այդ մակնիշների նկատմամբ (իսկ ամեն ինչ տանում է դեպի դա), ապա Opel/Vauxhall-ի վաճառքներն այլեւս չեն ընդգրկվի GM-ի վիճակագրությունում: Այդ կորուստը կարող է պայթեցնել համաշխարհային ավտոարտադրողների վարկանիշը:
2008 թվականին Opel-ը եւ Vauxhall-ը միասին վաճառել են 1 503 100 ավտոմեքենա: Այդ մակնիշների սպառման հիմնական շուկան Եվրոպան է: Հանեք GM գլոբալ վաճառքներից այդ ցուցանիշները, ինչպես նաեւ կորցված Saturn-ը, Hummer-ը, Pontiac-ը եւ Saab-ը, եւ այդ ժամանակ ավտոարտադրության դեռեւս ոչ վաղեմի առաջատարը կնահանջի 4-րդ տեղ:
Լավ չեն նաեւ ամերիկյան Chrysler-ի գործերը: Տնտեսական կորուստների եւ սնանկության հետ միասին ընկերության վիճակը վատթարանում է նաեւ համաշխարհային ավտոարտադրողների վարկանիշում: 2007 թվականին Chrysler դեռ № 9 ավտոարտադրողն էր, այժմ` № 13: Ընկերության վաճառքները սկսել են անկում ապրել դեռեւս 2008 թվականին, երբ վաճառքների անկման ցուցանիշը կազմել էր 24,9% (մինչեւ 2 010 800 միավոր):
Ֆրանսիական Renault SA-ն, հակառակը, մտել է խոշոր արտադրողների տասնյակի մեջ, չնայած 2008 թվականին ունեցել է վաճառքների 4,1% անկում: Ճգնաժամային 2008 թվականի համար եւ մյուս ընկերությունների ֆոնին դա ավելի շուտ հաջողություն է, քան անհաջողություն: Եվ բացի այդ, Renault հանդես է գալիս Nissan-ի հետ նույն ճակատում: Նրանց դաշինքը բավականին հաջող է եւ ղեկավարվում է մեկ մարդու` հզոր Կարլոս Գոնի կողմից: Սակայն ընկերությունների բաժնետոմսերի խաչաձեւային տիրումն այդքան էլ մեծ չէ, եւ այդ պատճառով Renault-ի եւ Nissan-ի համաշխարհային վաճառքները դեռեւս առանձին են հաշվարկվում: Միասին Renault-ն եւ Nissan-ը 2008 թվականին վաճառել են մոտ 6,1 մլն ավտոմեքենա: Եթե նրանք լինեին մեկ ընկերություն, եւ ոչ թե պարզապես գործընկերներ, ապա կհամարվեին աշխարհում չորրորդ խոշորագույն ավտոարտադրողը:
Fiat SpA-ն դեռեւս տիրում է Chrysler-ի ընդամենը 20 տոկոսին, ինչը նույնպես թույլ չի տալիս միավորել երկու ընկերությունների ցուցանիշները: Սակայն տվյալ իրավիճակը կարող է փոխվել, եթե Fiat-ը վերջնական արդյունքում ձեռք բերի Chrysler-ի մեծ մասը: Եթե միավորել երկու ընկերությունների ցուցանիշները, ապա 2008 թվականին Fiat-Chrysler կոնսորցիումը կզբաղեցներ 5-րդ տեղը:
Ծանուցումներ
Ծանուցումներ ստանալու համար անհրաժեշտ է մուտք գործել Ձեր հաշիվ։
