Like
OK
Կայացավ Renault Arkana մոդելի պաշտոնական շնորհանդեսը
Դիլերներ
Audi ընկերությունը հինգշաբթի օրը առաջին պաշտոնական մանրամասներն է տարածել իր հերթական նորույթի` հինգդռնանի Audi A5 Sportback հեթչբեքի մասին, որը կառուցվել է Audi A4 մոդելի բազայի վրա: Այդ ավտոմեքենայի համաշխարհային դեբյուտը կկայանա սեպտեմբերին Ֆրանկֆուրտի ավտոմոբիլային ցուցահանդեսում:
5-դռնանի մոդելը 36 մմ-ով ցածր կլինի A4 սեդանից, փոքր-ինչ երկար (4,71 մետր` սեդանի 4,7 մետրի դիմաց) եւ փոքր-ինչ լայն (1,85 մետր` 1,82 դիմաց): Անիվային բազան նույնպես մի քիչ մեծ է (2,81 մետր` սեդանի 2,80 մետրի դիմաց), իսկ առջեւի եւ դիմացի կախոցներն` ավելի կարճ: Ավտոմեքենայի քաշը երկու լիտրանոց տուրբոշարժիչով կկազմի 1500 կգ` մոտավոր նույն կշիռն ունի սեդանը նույն շարժիչով: Ընդ որում, A5 Sportback-ի թափքի առջեւի մասը կլինի ալյումինից, իսկ նորույթները բոլոր դռները չեն ունենա շրջանակներ, ինչպես “իսկական” սպորտկուպեները:
A5 Sportback սրահն ունի ընդամենը 4 նստատեղ` ետեւի բազմոցը ձեւավորված է երկու ուղեւորների համար: Բեռնախցիկային մասի չափը կազմում է 480 լիտր բարձրացված ետեւի նստատեղերի դեպքում (գրեթե A4 ունիվերսալի պես), իսկ ծալված նստատեղերի դեպքում ծավալն ավելանում է մինչեւ 980 լիտր:
Audi A5 Sportback-ի համար նախատեսված են 6 շարժիչներ` երեք բենզինային եւ երեք դիզելային: Չորսմխոցանի մոդիֆիկացիաները կարող են համալրվել 2-լիտրանոց բենզինային TFSI` 180 եւ 211 ձիաուժ հզորությամբ, կամ նույն ծավալի տուրբոդիզելով` 190 ձիաուժ հզորությամբ: Բացի այդ, A5 Sportback-ի համար նախատեսված են նաեւ երկու 6-մխոցանի դիզելային շարժիչներ (2,7 եւ 3,0 լիտր ծավալով համապատասխանաբար), ինչպես նաեւ 3,2-լիտրանոց բենզինային վեցնյակ` 265 ձիաուժ հզորությամբ: Տրանսմիսիան` կամ 6-աստիճան “մեխանիկա”, կամ 7-աստիճան ռոբոտ S Tronic:
Ավելի ուշ, 2010 թվականին, A5 Sportback-ը կունենա նաեւ "բյուջետային" տարբերակ` 1,8 TFSI շարժիչով (160 ձիաուժ):
Ավանդույթի համաձայն, Audi-ի նոր մոդելն առաջարկվելու է ինչպես առջեւի, այնպես էլ վերջին quattro սերնդի լրիվ քարշակ տարբերակներով: Օպցիոնալ սարքավորումների ցուցակում A5 Sportback-ի համար կլինեն ադապտիվ կռուիզ-կոնտրոլ, սպորտային S Line փաթեթը (որի մեջ կընդգրկվի իջեցված եւ ավելի կոշտ կախոց եւ սրահի այլ ձեւավորում), ինչպես նաեւ սպորտային բազկաթոռներ եւ 20 դյույմանոց անիվային դիսկեր:
A5 Sportback-ի գինը Գերմանիայում կսկսվի 33650 եվրոյից` բազային երկլիտրանոց շարժիչով եւ մեխանիկական ՓՏ տարբերակի համար, իսկ “թոփային” մոդիֆիկացիան` V6-ով եւ "ռոբոտ" S Tronic-ով, կարժենա 47 հազար եվրո:
Ծանուցումներ
Ծանուցումներ ստանալու համար անհրաժեշտ է մուտք գործել Ձեր հաշիվ։
