Aston Martin-ը հետաձգում է Lagonda քրոսովերի արտադրությունը

Բրիտանական շքեղ սուպերավտոմեքենաներ արտադրող Aston Martin ընկերությունը հայտարարել է, որ մակնիշի առաջին` Lagonda քրոսովերի արտադրությունը հետաձգվում է անորոշ ժամանակով: Ինչպես պնդում են ընկերությունում, նման որոշումը պայմանավորված է մոդելի արտադրության համար միջոցների բացակայությամբ: Ներկայիս ճգնաժամային ժամանակներում նման արդարացումը բավականին համոզիչ է հնչում, սակայն աղբյուրների հաղորդմամբ, պատճառն այլ է: Բանը նրանումն է, որ երբ ավտոմեքենան առաջին անգամ ցուցադրվեց Ժնեւի մոտորշոուին մարտին, այն բավականին սառը ընդունվեց: Գուցե, հասարակությունը դեռեւս պատրաստ չէ ընդունել նման Aston Martin: Սակայն, որոշ աղբյուրների հաղորդմամբ, դա առանձնապես չմտահոգեց ընկերությանը, եւ տարեվերջին Aston Martin-ը կներկայացնի եւս մեկ ոչ ստանդարտ կոնցեպտ: