Like
OK
Կայացավ Renault Arkana մոդելի պաշտոնական շնորհանդեսը
Դիլերներ
Suzuki ընկերությունը պաշտոնական տեղեկատվություն է տարածել իր նոր մոդելի` седане Kizashi սեդանի մասին: Ավտոմեքենայի արտաքինը մշակված է նույնանուն կոնցեպտուալ ավտոմեքենայի ոճով, որը ներկայացվել էր երեք տարբերակներով, սակայն ապրանքային ավտոմեքենայի արտաքինն ավելի մոտ է երրորդ նախատիպին, որը նախորդ տարի ներկայացվել էր Նյու Յորքի ավտոսրահում:
Իր գաբարիտներով (երկարությունը, լայնությունը եւ բարձրությունը` 4650, 1820 եւ 1480 միլիմետր համապատասխանաբար) նորույթը փոքր-ինչ ավելի կոմպակտ է ստացվել քան, օրինակ, Mazda6-ը, սակայն այն ավելի խոշոր է BMW 3-Series-ից: Ընդ որում, անիվային բազայի չափերով, որը հավասար է 2700 միլիմետրի, Suzuki-ի սեդանը փոքր-ինչ չի հասցնում մինչեւ D կարգի ներկայացուցիչները, ինչպիսիք են Ford Mondeo, Citroen C5 եւ Toyota Camry:
Սկզբից Suzuki Kizashi սեդանն առաջարկվելու է միայն 2,4-լիտրանոց մթնոլորտային բենզինային “չորսնյակով”, որն աշխատելու է 6-աստիճան մեխանիկական փոխանցման տուփով կամ ղեկային թերթիկների օգնությամբ “վիրտուալ” ձեռքով փոխանցումների հնարավորությամբ վարիատորով: Շարժիչի հզորության եւ վառելիքի ծախսի վերաբերյալ պաշտոնական տեղեկություններ դեռեւս չկան, սակայն որոշ պարբերականների հաղորդմամբ, նորույթի շարժիչը զարգացնելու է մոտ 200 ձիաուժ հզորություն, իսկ 100 կմ համար Kizashi-ն ծախսելու է մոտ 7,8 լիտր բենզին:
Հետագայում ակնկալվում է նաեւ 3,2-լիտրանոց V6 շարժիչով տարբերակի, ինչպես նաեւ հիբրիդային մոդիֆիկացիաների արտադրությունը: Շուկայում այս ավտոմեքենաների հայտնվելու կոնկրետ ժամկետը դեռեւս չի հաղորդվում:
Բացի այդ, Kizashi սեդանը կստանա լիաքարշակ համակարգ: Սովորական պայմաններում, ավտոմեքենան կլինի առջեւի քարշակային, սակայն հատուկ կոճակը սեղմելուց հետո, կախված իրավիճակից հետեւի առանցքին կփոխանցի պտտեցնող պահի 50 տոկոսը:
ԱՄՆ-ում նորույթը վաճառքում կհայտնվի ընթացիկ տարվա դեկտեմբերին: Ավտոմեքենայի գինը եւ այլ շուկաներում Kizashi-ի հայտնվելու ժամկետները դեռեւս հայտնի չեն:
Ծանուցումներ
Ծանուցումներ ստանալու համար անհրաժեշտ է մուտք գործել Ձեր հաշիվ։
