Նորացված Porsche 911 Turbo ավելի հզոր եւ արագ դարձավ

Porsche ընկերությունը ներկայացրել է Porsche 911 Turbo սուպերավտոմեքենայի նորացված տարբերակը: Նորույթի պաշտոնական մեկնարկը կկայանա Ֆրանկֆուրտի սեպտեմբերյան ավտոսրահում, իսկ վաճառքում 911 Turbo կհայտնվի մինչեւ աշնան վերջը:

Նորույթի գլխավոր տարբերությունը նախորդողից 3,8 լիտրանոց շարժիչն է, որը կփոխարինի 3,6 լիտրանոց ագրեգատը: Նոր շարժիչը 20 ձիաուժով ավելի հզոր է եւ կազմում է 493 ձիաուժ: Բացի այդ, նորացված 911 Turbo-ն կունենա էլեկտրական կառավարմամբ արդիականացված լիաքարշակ համակարգ, որը կկարողանա ավելի արագ վերաբաշխել պահը ավտոմեքենայի առջեւի եւ ետեւի առանցքների միջեւ:

Վերջապես, 911 Turbo-ն մատչելի կլինի ինչպես մեխանիկական, այնպես էլ PDK նախասելեկտիվ փոխանցման տուփով` երկու միակցումներով: Ընդ որում հենց այս մոդելի վրա մասնագետները հրաժարվեցին ավտոմատ փոխանցման տուփի վրա ձեռքով փոխանցումների ալգորիթմից` փոխարինելով ղեկային անիվի կոճակ-թերթիկները ղեկի տակ գտնվող ավանդական փոխանցիչներով. աջը գործարկում է ուժեղացված, իսկ ձախը` նվազեցված փոխանցումը:

PDK “ռոբոտի” հետ 911 Turbo-ն կարող է զրոյից մինչեւ 100 կիլոմետր արագություն զարգացնել 3,4 վայրկյանում, իսկ մեխանիկական փոխանցման տուփով` 3,7 վայրկյանում: Նորույթի առավելագույն արագությունը կազմում է 310 կմ/ժ:

Ավանդաբար, Porsche 911 Turbo-ն թողարկվելու է երկու տիպի թափքերով` "կուպե" եւ “կաբրիոլետ”:

Facebook Odnoklassniki

1717 դիտում