Ամերիկյան թյուները կցուցադրի Bugatti Veyron-ի մրցակցին Ժնեւում

Չորեքշաբթի օրը ամերիկյան Hennessey Performance Engineering թյունինգային  ատելյեն հայտարարել էր այն մասին, որ ընկերության առաջին սեփական մոդելը` 1200-ուժանոց Venom GT սուպերավտոմեքենան, հասարակությանը կներկայացվի հաջորդ տարվա մարտին Ժնեւում: Իր տեխնիկական բնութագրերով ավտոմեքենան կկարողանա մրցակցություն կազմել աշխարհի ամենահզոր եւ արագ սերիական ավտոմեքենաներից մեկին` Bugatti Veyron-ին:

Առաջին անգամ իր սեփական սուպերավտոմեքենան ստեղծելու ծրագրերի մասին Hennessey թյունինգային ընկերության հիմնադիր Ջոն Հեննեսին հայտարարեց 2007 թվականին վերջին: Սակայն սկզբնական նախագծի համեմատությամբ սերիական ավտոմեքենան որոշ փոփոխությունների կունենա տեխնիկական մասում: Օրինակ, 1000-ուժանոց 8,5-լիտրանոց երկու տուրբիններով V10-ի փոխարեն ընկերությունում մտադիր են օգտագործել սեփական մշակման 8-մխոցանի շարժիչ` մոտ 1200 ձիաուժ հզորությամբ: Բացի այդ, ավտոմեքենայի քաշը կնվազի 1224-ից 1088 մինչեւ կիլոգրամ:

Ետեւիքարշակային սուպերավտոմեքենայի նոր շարժիչն աշխատելու է 6-աստիճան մեխանիկական փոխանցման տուփի հետ միասին: Hennessey ատելյեի տվյալներով, նման ուժային համակարգով Venom GT կկարողանա 0-ից մինչեւ 96 կմ/ժ արագություն զարգացնել 2,4 վայրկյանում, մինչեւ 160կմ/ժ` 5,3 վայրկյանում, մինչեւ 240` 8,9 վայրկյանում, իսկ մինչեւ 320կմ/ժ` 14,3 վայրկայնում: Նորույթի առավելագույն հզորությունը կկազմի 440 կմ/ժ:

Ե՞րբ Hennessey Venom GT-ը վաճառքում եւ որքա՞ն այն կարժենա, դեռեւս հայտնի չէ:

Facebook Odnoklassniki

2567 դիտում