Like
OK
Կայացավ Renault Arkana մոդելի պաշտոնական շնորհանդեսը
Դիլերներ
Չնայած համարաշխարհային ճգնաժամին, Kia Motors-ը երեւի այն սակավաթիվ ավտոարտադրողներից է, որոնք շարունակում են թողարկել բազմաթիվ նոր մոդելներ: Եվ այդ շարքում հատուկ տեղ է զբաղեցնում նոր Kia Cerato-ն: Պատկերացնելու համար, թե որքան մեծ հույսեր է կապում Kia Motors ընկերությունը այս մոդելի հետ, նշենք միայն այն հանգամանքը, որ ԱՄՆ-ում հատուկ Cerato-ի արտադրության համար կառուցվում է գործարան, որը տարեկան պետք է արտադրի 300.000 Cerato: Մոտ ժամանակներս Kia-ն նախատեսում է եւս մեկ գործարան բացել Չինաստանում: Kia Cerato-ն նոր պլատֆորմով առաջին մոդելն է, որի հիման վրա և Kia-ն, և Hyundai-ն պլանավորում են արտադրել նոր մոդելներ:
Cerato մոդելով Kia-ն մտադիր է լուրջ մրցակցություն ցուցաբերել ճապոնական ավտոմոբիլային եռյակին, ավելի կոնկրետ` Mitsubishi Lancer-ին, Toyota Corolla-ին և Honda Civic-ին:
Եթե ուսումնասիրենք մեր հայկական նոր ձեւավորվող ավտոշուկան, ապա Cerato-ի ուղիղ մրցակիցներն են Toyota Corolla-ն, նույն Mitsubishi Lancer-ը, Ford Focus-ը եւ, իհարկե, Հայաստանում golf դասում վաճառքների առաջատար Nissan Tiida սեդանը:
Չնայած մրցակիցները բավականին լուրջ են, նայելով Kia Cerato-ին համոզվում ես, որ կորեական ընկերությունը լրջորեն մտադրված է զբաղեցնել իր տեղը շուկայի այս հատվածում:
Ավտոմեքենան մատչելի կլինի 2,0լ ծավալով Theta Il եւ 1,6լ ծավալով Gamma շարժիչներով, որոնք համապատասխանաբար զարգացնում են 156 եւ 124 ձիաուժ հզորություն: Առավելագույն պտտեցնող պահը Theta Il շարժիչի մոտ կկազմի 194,2 Նմ, իսկ Gamma-ի մոտ` 156Նմ: Նոր Kia Cerato-ն Theta Il շարժիչով կզարգացնի մինչեւ 200կմ/ժ արագություն: Փոքր-ինչ համեստ են Gamma շարժիչի հնարավորությունները` 190կմ/ժ: Ավտոմեքենան ունի նաեւ բավականին ընդարձակ բեռնախցիկ` 415լ տարողությամբ:
Կիսվելով առաջին տպավորություներով, ասենք, որ թե դրսից, թե ներսից Kia Cerato-ն շատ հաճելի տեսք ունի: Նույնիսկ տպավորություն է ստեղծվում, որ Cerato-ն ավելի շուտ ճապոնական ավտոմեքենա է, քան կորեական: Ներքին հարդարման նյութերը ամենեւին չեն զիջում ճապոնական ավտոարտադրողների կողմից օգտագործվող նյութերին, նստատեղերը շատ հարմար են, ղեկը` կաշվից: Կա նաև USB-մուտք iPod միացնելու համար:
Արտաքինից դիզայնը նույնպես շատ ավարտուն տպավորություն է թողնում: Ուշադիր ուսումնասիրելուց հետո կարելի է նկատել ճապոնական ավտոդիզայնի ազդեցությունը, որ միանաշանակ դրական է անդրադարձել Cerato-ի վրա:
Kia Motos Armenia-ում Cerato-ի 1.6 լիտրանոց շարժիչով տարբերակը վաճառվում է սկսած 6,290,000 դրամից, իսկ 2,0 լիտրանոց տարբերակը` սկսած 8,140,000 դրամից:
Ծանուցումներ
Ծանուցումներ ստանալու համար անհրաժեշտ է մուտք գործել Ձեր հաշիվ։
