Like
OK
Կայացավ Renault Arkana մոդելի պաշտոնական շնորհանդեսը
Դիլերներ
Տարեսկզբից Հայաստանում գրանցվել է 1208 ճանապարհատրանսպորտային պատահար /ՃՏՊ/, որոնց արդյունքում մահացել է 207 եւ վնասվածք ստացել 1709 մարդ:
Ինչպես այսօր ասել է ՀՀ Ճանապարհային ոստիկանության պետ Մարգար Օհանյանը, նախորդ տարվա նույն ժամանակահատվածի համեմատ արձանագրվել է ՃՏՊ-ների թվի որոշակի նվազում: Նրա խոսքերով, դրան նպաստել է Ճանապարհային ոստիկանության ավտոմեքենաների բազայի նորացումը եւ ժամանակակից տեխնիկական միջոցների ներդրումը:
2008 թվականին Ճանապարհային ոստիկանության ավտոմեքենաների բազան համալրվել է 162 ավտոմեքենայով, իսկ մինչեւ տարեվերջ Երեւանում կտեղադրվեն մինչեւ 30 արագաչափեր: Հետագայում մայրաքաղաքի աշխույժ խաչմերուկներում կտեղադրվեն տեսախցիկներ, որոնք կհետեւեն ոչ միայն ճանապարհային երթեւեկության անվտանգության պահպանմանը, այլեւ հասարակական կարգին:
Երեւանի կենտրոնական 4 փողոցներում արդեն գործում են ժամանակացույցով լուսաֆորներ, իսկ մինչեւ տարեվերջ դրանց թիվը կավելանա եւս 50-ով:
Վաղը` ուսումնական առաջին օրվա կապակցությամբ, Հայաստանում մեկնարկում է ճանապարհային ոստիկանների ամենամյա տասնօրյա ուժեղացված հերթապահությունը դպրոցների մոտ: Հերթապահություն է կատարվելու ուսումնական բոլոր օրերին` ժամը 7:30-ից մինչեւ 15:00-ն:
Ծանուցումներ
Ծանուցումներ ստանալու համար անհրաժեշտ է մուտք գործել Ձեր հաշիվ։
