Ford-ը հրապարակել է բոլորովին նոր C-MAX-ի առաջին լուսանկարները

Ամերիկյան Ford կոնցերնի եվրոպական տորաբաժանումը հրապարակել է նոր C-MAX-ի առաջին պաշտոնական լուսանկարները, որի համաշխարհային պրեմիերան կկայանա 2009 թվականի Ֆրանկֆուրտի ավտոսրահում: Ford C-MAX-ը մշակված է նույն ոճով, ինչ iosis MAX կոնցեպտուալ ավտոմեքենան, որը ցուցադրվեց այս տարի Ժնեւի մոտոր-շոուին:

C-MAX-ի վրա կիրառված բոլորովին նոր տեխնոլոգիաների շարքում կարելի է հիշատակել Ford EcoBoost բենզինային շարժիչը` 1,6լ ծավալով, կիսաավտոմատ զուգահեռ կայանման ֆունկցիան եւ “մեռյալ գոտիների” մոնիտորինգի համակարգը:

Ford C-MAX-ը շուկայում կհայտնվի 2010 թվականի երկրորդ կեսին: Դա նոր սերնդի ավտոմեքենաների առաջին ներկայացուցիչն է, որոնք ստեղծվելու են C սեգմենտի համար նախատեսված Ford-ի պլատֆորմի համար: 2010 թվականի վերջին այդ գլոբալ շարքում կընդգրկվի նաեւ բոլորովին նոր Ford Focus-ը:

Facebook Odnoklassniki

2136 դիտում