Lexus ընկերությունը գաղտնազերծել է նոր մոդելի արտաքինը

Lexus ընկերությունը տարածել է նոր մոդելի` 5-դռնանի կոմպակտ հեթչբեքի նախատիպի հերթական լուսանկարը: Կոնցեպտուալ ավտոմեքենան ստացել է LF-Ch անվանումը, սակայն ինչպես կանվանվի ապրանքային ավտոմեքենան, որը հոսքագծին կկանգնի հաջորդ տարվա ամռանը, առայժմ հայտնի չէ: Lexus LF-Ch-ի համաշխարհային պրեմիերան կկայանա մեկ շաբաթ անց` Ֆրանկֆուրտի մոտորշոուին: Այս մասին ասվում է ընկերության պաշտոնական հաղորդագրությունում:

Կոնցեպտուալ Lexus հեթչբեքը կստանա հիբրիդային ուժային համակարգ, որը թույլ կտա ավտոմեքենային տեղաշարժվել ինչպես բացառապես էլեկտրականության օգնությամբ, ինչպես նաեւ սովորական բենզինային շարժիչի եւ էլեկտրաշարժիչի համատեղ օգտագործմամբ: Ինչպես հաղորդվում էր նախկինում, նախատիպը կունենա համակարգ, որն իր մեջ կներառի Աթկինսոնի ցիկլով աշխատող 4-մխոցանի 2,4լ ագրեգատ, նիկել-մետաղհիդրիդային մարտկոցներ, էլեկտարաշարժիչ եւ վարիատոր: Ուժային համակարգի գումարային հզորությունը կկազմի 187 ձիաուժ:

Որոշ տվյալներով, սերիական հեթչբեքը կլինի առջեւի քարշակային (ներկայումս մակնիշի բոլոր մոդելներն առաջարկվում են միայն ետեւի եւ լիաքարշակ տարբերակներով) եւ կկոչվի Lexus CT: Հիշեցնենք, որ ճապոնական ընկերությունն արդեն ԱՄՆ-ում որպես ապրանքանիշեր է գրանցել CT 200h, CT 300h եւ CT 400h անվանումները:

Նորույթը մրցակցություն կկազմի Audi A3 եւ BMW 1-Series ավտոմեքենաներին եւ Եվրոպայում փոքր-ինչ էժան կարժենա, քան IS սեդանը` դիզելային շարժիչով տարբերակում:

Facebook Odnoklassniki

1520 դիտում