Like
OK
Կայացավ Renault Arkana մոդելի պաշտոնական շնորհանդեսը
Դիլերներ
Ավարտված է հանրապետական նշանակության 2009թ. պետբյուջեով նախատեսված ճանապարհների վերանորոգման աշխատանքների կեսը:
Ինչպես հաղորդում է ՄԵԴԻԱՄԱՔՍ-ը, այդ մասին հայտարարել է ՀՀ տրանսպորտի եւ կապի նախարար Գուրգեն Սարգսյանը` այսօր Երեւանում ներկայացնելով կառավարության հակաճգնաժամային միջոցառումների ընթացքը:
Գուրգեն Սարգսյանն ասել է, որ այս տարի պետբյուջեով նախատեսված է հանրապետական նշանակության 186 կմ ճանապարհների եւ 6 կամուրջների կապիտալ վերանորոգում` 8 մլրդ 393 մլն դրամ(,3 մլն) ընդհանուր արժողությամբ:
Նախարարը հայտնել է նաեւ, որ Ասիական զարգացման բանկի եւ կառավարության համատեղ ֆինանսավորմամբ իրականացվող գյուղատնտեսական ճանապարհների վերակառուցման ծրագրի շրջանակներում նախատեսվում է վերականգնել 227 կմ գյուղական ճանապարհներ, որից 109 կմ-ը այս տարի, իսկ մնացածը` 2010 թվականին: Նախարարը նշել է, որ այս ծրագրի ընդհանուր արժեքը .84 մլն է, որից .92 մլն-ը տրամադրելու է ՀՀ կառավարությունը:
Գուրգեն Սարգսյանը հայտնել է, որ Համաշխարհային բանկի եւ ՀՀ կառավարության կողմից ֆինանսավորվող` տեղական նշանակության ճանապարհների բարեկարգման ծրագրի շրջանակներում 2009-2010 թթ. նախատեսվում է վերականգնել շուրջ 260 կմ ճանապարհ, որից շուրջ 160-ը մինչեւ տարեվերջ: Գուրգեն Սարգսյանի խոսքերով, տեղական նշանակության ճանապարհների բարեկարգման ծրագրի ընդհանուր արժեքը կազմում է .1 մլն, որից .5 մլն-ը տրամադրելու է ՀՀ կառավարությունը:
Շարունակվում են Հյուսիս-Հարավ ավտոմայրուղու շինարարության ֆինանսավորման բանակցությունները Զարգացման ասիական բանկի հետ, ակնկալվում է, որ առաջիկայում բանկը որոշում կկայացնի վարկի մլն ծավալի առաջին տրանշը տրամադրելու վերաբերյալ, որը կուղղվի ավտոմայրուղու Երեւան-Գյումրի հատվածի շինարարությանը՚, - ասել է Գուրգեն Սարգսյանը` հույս հայտնելով, որ շինարարական աշխատանքները կսկսվեն արդեն հաջորդ տարվա ապրիլ-մայիս ամիսներին:
Նախարարը հայտնել է նաեւ, որ այս տարվա դեկտեմբերին ակնկալվում է համաձայնագրի ստորագրում Զարգացման ճապոնական բանկի հետ` Հայաստանին գյուղատնտեսական ճանապարհների շինարարության համար միջոցների տրամադրման վերաբերյալ, որոնք թույլ կտան Հայաստանի բոլոր գյուղական համայնքները կապել հանրապետական նշանակության ավտոմայրուղիներին:
ՄԵԴԻԱՄԱՔՍ-ի խնդրանքով մեկնաբանելով մի շարք արտասահմանյան ԶԼՄ-ների հրապարակումներն այն մասին, որ Հայաստանն արդեն սկսել է շարժակազմ գնել Թուրքիայի հետ երկաթուղային հաղորդակցության համար, նախարարն ասել է, որ իր գերատեսչությունն այդպիսի տեղեկություն չունի:
Ծանուցումներ
Ծանուցումներ ստանալու համար անհրաժեշտ է մուտք գործել Ձեր հաշիվ։
