Կայացել է Aston Martin-ի մեծ 5-դռնանի հեթչբեքի մեկնարկը

Ֆրանկֆուրտի մոտորշոուին կայացել է Aston Martin Rapide 5-դռնանի հեթչբեքի համաշխարհային պրեմիերան, որը ստեղծվել է նույնանուն կոնցեպտ-ավտոմեքենայի ոճով, որն առաջին անգամ ներկայացվել էր Դեթրոյտի ավտոմոբիլային ցուցահանդեսում երեք տարի առաջ: Նախատիպը եւ ապրանքային ավտոմեքենան շատ չնչին են տարբերվում իրարից. սերիական օրինակի մոտ փոխվել են ետեւի բամպերը եւ անհետացել են կողային օդակլանիչները թափքի առջեւի մասում:

Նորույթը կստանա 6-լիտրանոց 12-մխոցանի շարժիչ` 470 ձիաուժով (600 Նմ), որն աշխատում է 6-աստիճան Touchtronic 2 ավտոմատ փոխանցման տուփով` ղեկի տակ գտնվող թերթիկների օգնությամբ փոխանցման հնարավորությամբ: Aston Martin Rapide-ի պաշտոնական դինամիկ բնութագրերը դեռեւս չեն հաղորդվում, սակայն, որոշ տվյալներով, մինչեւ 100կմ/ժ արագություն ավտոմեքենան կզարգացնի 4 վայրկյանում, իսկ առավելագույն արագությունը կազմում է 290 կմ/ժ:

Նշենք, որ բեռնախցիկային մասի ծավալը կազմում է 301 լիտր, իսկ ծալված ետեւի նստատեղերի դեպքում օգտակար տարածքը ավելանում է մինչեւ 750 լիտր:

Ինչպես հաղորդվում էր նախկինում, Rapide-ի թողարկումը Magna Steyr ընկերության ավստրիական ձեռնարկությունում կսկսվի ընթացիկ տարում, իսկ դիլերներին այդ ավտոմեքենան կհասնի 2010 թվականի սկզբին:

Facebook Odnoklassniki

1921 դիտում