Toyota-ն ցուցադրել է նոր Land Cruiser Prado-ն

Ֆրանկֆուրտի ավտոսրահում կկայանա Toyota ընկերության Land Cruiser Prado ամենագնացի համաշխարհային պրեմիերան (եվրոպական շուկայում` Land Cruiser): Ներկայիս սերնդի Prado-ի հիմքի վրա ստեղծված ավտոմեքենան կստանա նորացված թափք ինտեգրված շրջանակով, որի կողային կոշտությունը մեծացվել է 11 տոկոսով:

Բոլոր արեւմտաեւրոպական շուկաներում, բացի բրիտանականից, ավտոմեքենան մատչելի կլինի 3- եւ 5-դռնանի տարբերակներով: Ուժային ագրեգատը` 5-աստիճան “ավտոմատ” եւ 3-լիտրանի դիզել` 171 ձիաուժ հզորությամբ, կամ 4-լիտրանոց բենզինային V6 շարժիչ, որի հզորությունը Toyota-ի հաղորդագրությունում չի նշվում: Բրիտանացիներին կհասնի միայն 7-տեղանի դիզելային տարբերակը` 5 դռներով:

Նոր սերնդի Land Cruiser Prado-ի վրա տեղադրված է տրանսմիսիայի եւ շարժիչի կառավարաման էլեկտրոնային "Multi-terrain Select" համակարգ, որը լենդրովերյան "Terrain Response"-ի պես ընտրում է շարժման ռեժիմը, որն առավելագույնս համապատասխանում է ավտոմեքենայի անիվների ծածքին: Բացի այդ, ավտոմեքենայում տեղադրված են չորս տեսախցիկներ, որոնք թույլ են տալիս վարորդին հետեւել մեքենայի շուրջ իրավիճակին:

Արեւմտյան Եվրոպայում ավտոմեքենան կհայտնվի 2010 թվականի կեսերին:

Facebook Odnoklassniki

3920 դիտում