Peugeot ընկերությունը ներկայացրել է RCZ սպորտային կուպեի հատուկ տարբերակը

Ֆրանկֆուրտի ավտոսրահում Peugeot ընկերությունը ներկայացրել է սպորտային RCZ կուպեի հատուկ մոդիֆիկացիան, որը կստանան ավտոմեքենան պատվիրած առաջին 200 գնորդները: Նորույթը ներկվելու է բացառապես սպիտակ գույնով, կստանա կարբոնե առաստաղ, 19-դյույմանի անիվային դիսկեր` սեւ գույնի, եւ կաշվե ինտերիեր: Մեքենան կստանա 156-ուժանոց շարժիչ` 1,6 լիտր ծավալով, որը կաշխատի 6-աստիճան մեխանիկական փոխանցման տուփով:

Peugeot RCZ կուպեի սովորական տարբերակների համար, որը նույնպես ներկայացվեց Ֆրանկֆուրտում, բացի 156-ուժանոց շարժիչից առաջարկվելու է 2 լիտրանոց դիզել` 163 ձիաուժ հզորությամբ եւ 1,6 լիտրանոց բենզինային ագրեգատ, որը զարգացնելու է 200 ձիաուժ հզորություն: Ավտոմեքենայի տրանսմիսիաների շարքում ընդգրկված են 6-աստիճան մեխանիկական եւ ավտոմատ փոխանցման տուփեր: Ինչպես հաղորդվում էր նախկինում, ամենահզոր RCZ կարող է մինչեւ 100 կմժ արագություն զարգացնել 7,6 վայրկյանում եւ հասնել ժամում առավելագույնը 225 կմժ արագության:

Նորույթի վաճառքները եվրոպական շուկայում կսկսվեն հաջորդ տարի: Այս մեքենայի գները կսկսվեն 35 500 եվրոյի: Վաճառքների առաջին տարվա ընթացքում Peugeot ընկերությունում նախատեսում են վաճառել 20 հազար RCZ ողջ աշխարհում:

Facebook Odnoklassniki

2250 դիտում